Qeveria publikoi urdhrin e ri të lëvizjeve për ditët në vijim. Nga ora 05:00 deri në 17:30 do të lejohet aktiviteti në pikat e shitjes së produkteve ushqimore me pakicë dhe shumicë, pikat e tregtisë së barnave, produkteve mjekësore dhe institucionet financiare.
Në urdhër theksohet se duhen zbatuar masat e distancimit social dhe të pastërtisë në çdo biznes. Pazari do të vazhdojë të bëhet për 90 minuta në ditë vetëm nga një familjar. Kufizimi në fundjavë do të vazhdojë, por këtë javë izolimi total do të fillojë të premten në orën 17:30 deri të hënën në 05:00 të mëngjesit.
Lexoni: Sigal kombinon paketat e sigurimit me shërbimin telemjekësor TeleDoc
Përjashtohen nga ky rregull mjetet e transportit të mallrave dhe produkteve ushqimore, policia, Forcat e Armatosura, njësitë kritike të shërbimeve shtetërore dhe atyre të kompanive mediatike, si dhe shërbimet në banesë, si shpërndarja e ushqimeve apo produkteve të tjetra.
Urdhri është firmosur nga ministrja e Shëndetësisë, Ogerta Manastirliu dhe ka hyrë në fuqi ditën e sotme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto