COVID-19, Shërohen 16 pacientë të tjerë, 8 persona të infektuar

8 persona me Covid-19 u identifikuan në 24 orët e fundit, duke e çuar numrin total në 475 të infektuar.

Një 68-vjeçare nga Tirana ndërroi jetë pasditen e së hënës në Spitalin Infektiv, duke e çuar totalin e viktimave në 24. Gjatë 24 orëve të fundit 16 pacientë të tjerë janë shëruar. Tirana ndërroi jetë

Në informimin e përditshëm nga ISHP, Eugena Tomini njoftoi se harta e të prekurve nga COVID-19 në 24 orë është zgjeruar në Tiranë e Shkodër. Në Kukës është identifikuar rasti i parë: një punonjës i stafit mjekësor.

Në 24 orët e fundit janë testuar 236 persona, ndërsa në total janë testuar 4306 raste, dhe janë konfirmuar:

– 475 persona janë të prekur nga koronavirusi,
– 248 janë shëruar,
– 24 kanë vdekur,
– 37 persona janë të shtruar në spitalin Infektiv, 5 prej tyre janë në terapi intensive, 1 të intubuar
– 9 persona janë të shtruar në spitalin Shefqet Ndroqi, 7 prej tyre janë në terapi intensive, 4 prej të cilëve janë të intubuar.

Në total në të dy spitalet janë 46 persona janë të shtruar.

Përhapja e koronavirusit deri më 14 prill është sipas këtyre qyteteve:

— Në Tiranë: 227 persona;

— Në Durrës: 42 persona;

— Në Fier: 32 persona;

— Në Lushnje: 6 persona;

— Në Elbasan: 15 persona;

— Në Rrogozhinë: 4 persona;

— Në Kavajë: 8 persona;

— Në Korçë: 17 persona;

— Në Vlorë: 5 persona;

— Në Shkodër: 71 person;

— Në Lezhë: 14 persona;

— Në Has: 13 persona;

— Në Berat: 2 persona;

— Në Krujë: 6 persona;

— Në Tropojë: 4 persona;

— Në Pukë: 5 persona;

— Në Mirditë: 3 persona;

— Në Kukës: 1 person.

Lexoni: Si do të jetë e përditshmja me virusin Corona në Gjermani?