25 pacientë me COVID-19, shumica e rasteve në fasonerinë e Krujës

25 pacientë me koronavirus janë identifikuar 24 orët e fundit, duke e çuar totalin e të prekurve në 634.

Një pacient 71-vjeçar ndërroi jetë, duke e çuar numrin e viktimave në 27.

11 persona janë shëruar, duke e çuar totalin në 356.

Sipas njoftimit të ISHP-së, fasoneria në Krujë vazhdon të jetë një vatër e rrezikshme e infeksionit, ku në 24 orët e fundit janë zbuluar dhe 19 raste të tjera.

Pas rreth 42 ditësh në karantinë, 5 qytete në Shqipëri janë “shëruar” nga koronavirusi. Të gjithë të prekurit në Berat, Lezhë, Mirditë, Rrogozhinë dhe Tropojë, janë shëruar dhe nuk ka asnjë rast të ri.

Lexoni: Arben Malaj: Shkenca po ushqen shpresën e fitores ndaj Covid 19

Të infektuar të tjerë të rinj janë zbuluar në Tiranë, Elbasan e Shkodër.

Në 24 orët e fundit janë testuar 252 persona të dyshuar, ndërsa në total që prej fillimit të marsit janë testuar 6 269 persona, prej të cilëve janë:

– 634 të infektuar,

– 27 viktima;

– 356 të shëruar;

– 251 persona të infektuar aktivë;

– 33 të shtruar tek Infektivi, 4 prej të cilëve janë në terapi intensive;

– 7 të shtruar tek Sanatoriumi, 5 prej të cilëve në terapi intensive në gjendje të rënduar, 3 ndodhen në pavion.

Në dy spitalet COVID aktualisht po marrin shërbim 40 pacientë.

Shpërndarja gjeografike e pacientëve deri më 22 prill është:

– Tiranë, 256 pacientë,

– Durrës, 42 pacientë,

– Lushnje, 6 pacientë,

– Elbasan, 18 pacientë,

– Fier, 36 pacientë,

– Kavajë, 9 pacientë,

– Rrogozhinë, 4 pacientë,

– Korçë, 19 pacientë,

– Vlorë, 5 pacientë,

– Shkodër, 100 pacientë,

– Lezhë, 14 pacientë,

– Berat, 2 pacientë,

– Has, 13 pacientë,

– Krujë, 58 pacientë,

– Tropojë, 4 pacientë,

– Pukë, 5 pacientë,

– Mirditë, 3 pacientë,

– Kukës, 11 pacientë,

– Mallakastër, 1 pacient,

– Kurbin, 28 pacientë.