Islanda ka bërë një sugjerim të shëndetshëm për qytetarët që dëshirojnë kontakt fizik në epokën e distancimit social. “Gjeni pemën më të afërt dhe jepini asaj një përqafim”.
Sipas Lonely Planet, Shërbimi Islandez i Pyjeve (IFS) thotë se, “të kalosh të paktën pesë minuta në ditë duke përqafuar ‘fqinjët e tu’ halorë, është një mënyrë e shkëlqyer për të mposhtur vetminë në karantinë. Në Islandën Lindore janë liruar shtigjet nëpër dëborë për t’u dhënë kështu mundësi banorëve të mund të arrijnë lehtësisht tek pemët. Kalimet janë hapur gjithashtu në gjerësinë sa t’u lejojnë banorëve të shëtisin duke mbajtur distance. IFS ka përditësuar faqen e saj të internet me fotografi të njerëzve që përqafojnë pemë të të gjitha formave dhe madhësive.
Por Porfinnsson, menaxher i pyjeve të Islandës Lindore, thotë se, përqafimi i pemëve, prodhon ndjenjën e relaksimit dhe ju përgatit që të merrni përsipër çfarëdo sfide t’ju dalë përpara. “Kur përqafoni një pemë, e ndjeni së pari në gishtërinjtë tuaj më pas lart në këmbët tuaja e deri në gjoks dhe së fundi në kokën tuaj”, thotë Porfinnsson.
Lexo: Shtetet europiane lehtësojnë masat, Danimarka rihap shkollat
Ky mund të duket një sygjerim i çuditshëm, por prania e pemëve ka treguar se nxit shëndetin e mirë. Pemët pastrojnë ajrin dhe zvogëlojnë stresin te njerëzit që jetojnë pranë tyre. Ju nuk do të duhet të mbështillni krahët rreth një peme, por nëse nuk keni njeri tjetër për të përqafuar, atëherë ky veprim mujnd t’ju vlejë.
Pyjet kombëtare të Islandës janë hapur gjatë kësaj periudhe, ndryshe nga shumë pyje e parqe të tjera nëpër botë, përfshirë Shqipërinë. 22 Prilli është dita ndërkombëtare e Tokës dhe kjo është një formë e mirë për ta festuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
