Ushtria dhe policia nga nesër në terren për verifikime

Ushtria dhe policia nga nesër në terren për verifikime


 Policia e shtetit dhe ushtria duke filluar që nga dita e nesërme do të dalin në terren për të ushtruar kontrolle dhe për të verifikuar të gjithë ata persona që po shkelin rregullat duke mos u vetëizoluar, pasi janë kthyer nga Italia apo vende të tjera të prekura nga virusi Corona. “Të gjithë ata që shkelin këtë rregull do të gjobiten 5 mijë euro dhe nuk do të lejohen të kthehen në vendet ku jetojnë pa paguar gjobën”, ka thënë kryeministri Rama.

Rama u bën thirrje të gjithëve atyre që janë kthyer 14 ditët e fundit nga Italia apo nga zonat e tjera të prekura të vetëkarantinohen. Sot policia e shtetit dhe policia ushtarake do të organizohen për të dalë në rrugë dhe për të zhvilluar kontrolle ndaj automjeteve që mund të jenë kthyer gjatë 14 ditëve të fundit nga vendet e prekura me virusin Corona.

Lexoni: Ndihma financiare për bizneset e prekura nga Coronavirus është në rrugë e sipër në SH.B.A

“Nga nesër kush kapet në rrugë duke shkelur rregullat, do të dënohet me 5 mijë euro gjobë. Do të ndalohet nëse nuk e shlyen gjobën. Në kushte normale masa të tilla do të ishin të palogjikshme, por situata nuk është normale. Jemi në luftë me një armik të padukshëm, me virusin Corona”, u shpreh kryeministri.

“Nuk është e lehtë të kufizosh lirinë. Do të kryhen postblloqe por s’kemi rrugë tjetër. Faleminderit të gjithë atyre që mbyllën diskot, klubet e natës dhe palestrat. Kjo quhet qytetari dhe solidaritet njerëzor. Do t’a kalojmë këtë situatë siç kaluam situatën e tërmetit. Coronavirus po na paralajmëron, ndryshe nga tërmeti, i cili na mori 51 jetë pa na dhënë asnjë mundësi për të marrë masa”, tha Rama.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0