Ministria e Punëve të Jashtme të Kosovës u ka bërë thirrje qytetarëve të Kosovës që jetojnë jashtë vendit, që vetëm në rastet urgjente të paraqiten në ambasadat dhe konsullatat e këtij shteti për t’u përfshirë në listën e kthimit.
Lexo: Ministria e Jashtme: Njoftim për qytetarët shqiptarë që ndodhen në Holandë
Si pasojë e përhapjes së koronavirusit të ri, kosovarët që arrijnë në territorin e Kosovës përmes Aeroportit Ndërkombëtar të Prishtinës apo kufijve tokësorë, do të dërgohen në karantinë për 14 ditë.
Të premten në Kosovë kanë arritur rreth 96 shtetas nga Duseldorfi i Gjermanisë.
Të gjithë të kthyerit janë dërguar në Qendrën e Studentëve në Prishtinë, e cila së fundi, me kërkesë të Qeverisë së Kosovës, është shndërruar në karantinë.
Ndërkohë autoritetet kanë bërë të ditur se rreth 850 qytetarë, janë lajmëruar në ambasadat që ka Kosova në botë, përmes një kërkese për rikthim.
Lexo: Italia si Koreja e Jugut: Testim masiv i popullsisë
Aktualisht në Kosovë raportohen 24 persona të infektuar me Koronavirus.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
