Një grup të rinjsh shqiptarë kanë ndërtuar dhe lancuar së fundi një aplikacion që është në gjendje të grumbullojë dhe t’ju prezantojë të gjitha lajmet rreth temës apo medias tuaj të preferuar. Bëhet fjalë për Buletin.al, një APP i ndërtuar nga një skuadër të rinjsh shqiptarë, të cilët punojnë e jetojnë në vende të ndryshme të botës. Ne folëm me Mandi Shenediela.
Sipas Mandit, skuadra ka ndërtuar një algoritëm që mbledh gjithë mediat shqiptare në një vend, bën një kategorizim të interesave, politikë, ekonomi, art, kulturë, etj.
“Kur regjistrohesh, ti zgjedh fushat e tua dhe mediat e preferuara. Interesat janë baza që bën seleksionimin. Përmbledhja e të gjithë artikujve rreth një teme, të jep shumë anë të një histrorie.
Skuadra përbëhet nga 6 të rinj të talentuar mes programuesish, design e financierë. “Është një projekt për të cilin kemi 4 vite që punojmë. Bëmë një version të parë, patëm nje dështim të parë, pasi strukturimi i artikujve në App, krijonte volum”, thotë një prej themeluesve.
Lexo: Apple vendos limite të reja në lidhje me aplikacionet për COVID-19
Projekti që nisi në Shqipëri u përpunua më tej, për t’u lançuar me 14 Mars. Aktualisht App është në fazën e testimit. Në vetëm një javë, ka pasur 1500 të regjistruar, duke tejkaluar pritshmëritë e të rinjve. “Për ne, tani është shumë i rëndësishëm Feadback i përdoruesve, pasi na mundëson të kalojmë në një fazë që nuk do të mund ta bënim pa ta, atë të përmirësimit në përdorim. Ne jemi duke punuar në këtë drejtim për të krijuar një konvergjencë sa më të mirë të buletinit.
Aplikacioni duket se është mirëpritur për moshat 18-45 vjeç.
Ju mund të klikoni këtu për të shkarkuar aplikacionin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
