Mjekë e infermierë shqiptarë do të shkojnë në mbështetje të mjeksisë italiane. Qeveria shqiptare ka vendosur që të dërgojë personel shëndetësor në mbështetje të situatës së krijuar nga pendemia. Vendimi është marrë të premten bashkë me mbështetjen financiare, që do të mbështesë këtë lëvizje.
Vendimi parashikon “Dhënien e ndihmës me personel shëndetësor, mjekë dhe infermierë, në kushtet e pandemisë së shkaktuar nga COVID-19, Republikës së Italisë”. Shpenzimet mujore të parashikuara për një mjek janë 3000 euro dhe një infermier 2500 euro.
Fondi prej 11 milionë lekë do të mbulohet nga fondi rezervë i buxhetit të shtetit, parashikuar për këtë vit.
Përzgjedhja e mjekëve dhe infermierëve do të bëhet nga Ministria e Shëndetësië dhe Mbrojtjes Sociale. Ndërsa transporti I personelit do të organizohet nga Ministria e Infrastrukturës dhe Energjisë.
Italia është ndër vendet më të prekura në botë nga Pandemia Covid 19. Vetëm pak muaj më parë, ekipe specialistësh nga Italia u gjendën në mbështetje të Shqipërisë në gjetjen dhe shpëtimin e të bllokuarve nga tërmeti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
