Qyteti kinez i Wuhan është përcaktuar për të ndërtuar një spital brenda gjashtë ditëve në mënyrë që të trajtojë pacientët që dyshohen se kanë koronavirus.
BBC, shkruan se, aktualisht janë 830 raste të konfirmuara në Kinë, 41 prej të cilëve kanë vdekur.
Spitalet në qytet janë mbipopulluar nga banorë të shqetësuar dhe farmacitë po mbarojnë të gjitha ilaçet.
Sipas mediave shtetërore, spitali i ri do të ketë rreth 1.000 shtretër dhe shtrihet në një sipërfaqe rreth 20 mijë metra katrorë.
“Ai është gati si një spital karantinë ku dërgohen njerëzit me problem infektive” tha Joan Kaufman, lektor I shëndetit dhe mjekësisë sociale në në shkollën e mjekësisë në Harvard.
Ky pritet të jetë një record i ri dhe pasqyron mobilizimin dhe respektimin rigoroz të rregullave e objektivave. Në vitin 2003, Brenda 7 ditësh u ndërtua spitali në Pekin, ndaj ekipi actual po synon të mposhtë atë rekord.
“Ky vend autoritar mbështetet në këtë qasje mobilizimi nga lart poshtë. Ata mund të kapërcejnë natyrën burokratike dhe kufizimet financiare dhe janë në gjendje të mobilizojnë të gjitha burimet,” tha përfaqësuesi i shëndetit publik Huang.
Ai tha se inxhinierët do të silleshin nga i gjithë vendi në mënyrë që të përfundonin ndërtimet në kohë. Përsa u përket furnizimeve mjekësore, Wuhan ose mund të marrë furnizime nga spitalet e tjera ose mund t’i porosisë ato nga fabrikat.
Në vitin 2003, Spitali Xiaotangshan u ndërtua në Pekin për të akomoduar numrin e pacientëve që shfaqnin simptoma të Sars. Ai u ndërtua në shtatë ditë, duke thyer rekordin botëror për ndërtimin më të shpejtë të një spitali. Rreth 4,000 njerëz kanë punuar për të ndërtuar spitalin, ditë e natë në mënyrë që të përmbushin afatin.
Brenda dy muajve, në këtë spital u vendos një e shtata e pacientëve me Sars, e cila u vlerësua si “mrekulli në historinë e mjekësisë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
