Shkruar nga Gevio Tabaku, ekspert IT
Kemi dëgjuar shpesh të flitet për monedhen virtuale, ose kriptovalutën Bitcoin. Bitcoin është kriptovaluta e parë dhe me më shumë influencë nga gjithë kriptovalutat e tjera (ditët e sotme ka më shumë se 200 kriptovaluta).
Bitcoin i ka fillesat në vitin 2009 dhe sot bëhen afërsisht 10 vjet që prej momentit që monedha u krijua. Në këto vite Bitcoin ka pasur uljet dhe ngritjet e veta, por momenti më i lavdishëm për këtë monedhë ishte në dhjetor 2017, kur 1 Bitcoin arriti shifrën rekord $20,000.
Në atë periudhë u shënua edhe shifra më e lartë e shitjes USD për BTC.
Po në çfarë situate gjendet monedha ditët e sotme dhe çfarë pritet të ndodhë në ditët dhe muajt në vazhdim me çmimin e saj?! Përpara se t’i japim përgjigje kësaj pyetje, është me rëndësi të diskutojmë kohështrirjen me datat dhe vlerën e monedhës gjatë vitit të kaluar dhe ta krahasojmë me vlerën që ka ditët e sotme.
30 GUSHT 2017
Monedha shënon vlerën e $4,500 dhe ruan një çmim stabël, ku vërtitet nga $3,100 deri në $4,700. Ndryshimet fillojnë në muajin tetor ku monedha fillon edhe merr trajtë rritëse.
12 TETOR 2017
Monedha kalon çmimin e $5,100 dhe është në proporcion të vazhdueshëm rritës. Çmimi qëndron stabël për pjesën e mbetur të tetorit dhe vërtitet midis $5,100 deri në $6,100. Ndryshimet madhore në çmim fillojnë gjatë muajit nëntor.
1 NENTOR 2017
Monedha kalon çmimin e $6,400 dhe është në rritje të vazhdueshme, ku kalon shifren e $7000 në 3 Nëntor. Monedha pëson një luhatje dhe ulje në çmim në datën 12 nëntor, (zbret në $6000), por çmimi ndryshon sërisht dhe në datën 19 nëntor kap vlerën e $8000. Vlera më e madhe e muajit nëntor arrihet në datën 29, ku monedha kap vlerën e $11,000 ku prej aty vazhdon gjithmonë në proporcion rritës derisa arrin kulmin prej $20,000 në muajin dhjetor.
DHJETOR 2017
I gjithë muaji dhjetor shoqërohet me rritje, tek-tuk me disa luatje të vogla në çmim. Monedha kap shifër rekord prej $17,800 më 8 dhjetor, por shoqërohet nga një ulje në çmim 2 ditë më pas dhe arrin vlerën e $15,000. Çmimi vazhdon të rritet duke u shoqëruar edhe nga luhatje, dhe arrin vlerën rekord prej $20,000 për 1 Bitcoin në datën 17 dhjetor, sipas CoinDesk. Çmimi vazhdon me luhatje dhe shoqërohet me një ulje vlere prej 30% pas disa ditësh, ku më pas vlera totale e monedhës shkon në $11,000.
Ky vit ka disa ndryshime të vogla në vlerë, në krahasim me vitin e kaluar.
Saktësojmë se monedha ka ruajtur një çmim stabël për rreth 2 muaj të vitit 2018. Respektivisht, muaji shtator, tetor dhe deri në gjysmën e muajit nëntor kanë ruajtur vlerën e $6000. Gjysma e dytë e nëntorit solli luhatje të monedhës dhe ra në $4000.
Por çfarë ndikimi do të ketë çmimi i ulët i tanishëm i monedhës, me çmimin që kjo e fundit do të ketë gjatë muajve në vazhdim?!
Çmimi i ulët u hap derën investitorëve të rinj për të investuar dhe bërë të tyre monedhën më të madhe virtuale. Kjo çon në mënyrë indirekte në rritjen e vlerës së monedhës.
Ka shumë versione për vlerën e monedhës gjatë muajve në vijim, por Lleë Claasen, drejtori ekzekutiv i fondacionit Bitcoin, është shprehur se vlera e Bitcoin do të arrij shifrën e $40,000 pikërisht gjatë këtij viti. Parashikimet e tij kërkojnë një analizë më të plotë, por kjo shifër është diçka që ka potencialin të arrihet.
Jemi në pritje të ecurisë së Bitcoin gjatë ditëve dhe muajve në vijim!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
