Shpesh kur jeni në Instagram, shikoni miq apo njerëz të famshëm me veshje fantastike. Dhe ti mendon me vete, ku i gjejnë këto veshje dhe si mund t’i kem dhe unë.
Falë aplikacionit të ri të quajtur ScreenShop, ju mund të ngarkoni një foto dhe automatikisht aplikacioni do t’ju jap sugjerime se ku mund t’i bleni këto rroba. Ndryshe quhet “Shazami i modës”.
Kim Kardashian West e pëlqen kaq shumë këtë app saqë vendosi t’i bashkohej skuadrës si këshilluese. “Unë kam punuar me ekipin e ScreenShop për të ndihmuar në përcaktimin e konceptit dhe përvojës së përdoruesit për më shumë se një vit. ”
Aplikacioni u lançua nga katër inovator të rinj, duke përfshirë sipërmarrësin izraelit Jonathan Caras. “Një person i vetëm nuk mund të ndërtoj një kompani të suksesshme,” tha ai gjatë një interviste. “Ka më shumë gjasa të dështosh me një themelues sesa me shumë.”
Por, a funksionon aplikacioni ScreenShop në të vërtetë?
Sot ne e morëm atë për një provë duke përzgjedhur disa foto nga njerëz të famshëm në Instagram.
I thjeshtë në përdorim, mjafton të ngarkoni foton, klikoni mbi të dhe menjëherë dalin sugjerime me veshjet që foto përmban, nga këmbët deri te koka.
Ndërsa algoritmi i aplikacionit përmirësohet me kalimin e kohës, Kardashian West thekson se ndonjëherë “veshja e ngjashme” është po aq e mirë sa ajo e vërteta.
“Unë ndjek shumë nga llogaritë në Instagram të frymëzuara nga vitet ’90 dhe kur shoh një veshje cool, unë e ruaj atë dhe shkoj drejt në aplikacionin tim ku kërkoj veshje të ngjashme”, shpjegoi Kim.
/FromTheGrapeVine
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English