Shërbimi Online për pajisjen me dokumentacione zyrtare është theksuar ndjeshëm këtë vit, por prej vitit të ardhshëm, sipas përcaktimit të Ministrisë së Drejtësisë, 13 shërbime do t’i merrni vetëm online.
Këtu futen të gjitha dokumentet administrative që shërbejnë si dokumentacion shoqërues për marrjen e shërbimeve elektronike. Ato do të ofrohen dhe shkëmbehen vetëm elektronikisht përmes Sistemit të Qarkullimit të Dokumenteve me Nënshkrim Elektronik.
Ato janë: Aplikim për ekspertë gjykate, vërtetim për ekspert gjykate, vlerësim i ekspertëve në gjykata, që janë pjesë e Ministrisë së Drejtësisë.
Nga Drejtoria e Përgjithshme të Burgjeve përmes E-Albania do të sigurohet vërtetim hyrje-dalje nga burgu, vërtetim i periudhës së burgut, vërtetim i gjendjes gjyqësorë.
Lexo: Jo më sportele, për 26 dokumente merrni vërtetim online
Agjencia e Trajtimit të Pronave, do të sigurohen online: ankesë dhe trajtim i dosjes me specialistin përkatës pranë ATP-së dhe aplikim për statusin dhe problematikat e shqyrtimit të dosjes.
Agjencia e Mbikëqyrjes së Falimentit, aplikim për licencimin e administratorëve të falimentit dhe aplikim për rinovimin e licencës së administratorëve të falimentit.
Drejtoria e Përgjithshme e Përmbarimit, aplikim për vërtetimin e detyrimeve përmbarimore
QBZ, shitjet online të botimeve të QBZ dhe abonimet vjetore për botimet e QBZ do të sigurohen nga faqja online e Qendrës së Publikimeve Zyrtare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
