Kjo pyetje u shfaq fillimisht në Quora, i cili është vendi për të fituar dhe shkëmbyer njohuri, duke fuqizuar njerëzit të mësojnë nga të tjerët dhe ta kuptojnë më mirë botën. Pyetjes lidhur me rreziqet që i kanosen ekonomisë globale për vitin 2019 iu përgjigj Philip Levy , Kryeekonomist në Flexport.
Sipas tij mos shfaqja e kërcënimeve, do të thotë se po jetojmë një periudhë sfiduese për ekonominë. Ne kemi pasur një zgjerim të gjatë, të ngadaltë dhe tani kemi një sfond të rritjes së dobët globale dhe nivele relativisht të larta të borxhit. Borxhi pengon politikën fiskale, ndërsa në shumë vende politika monetare nuk u tërhoq kurrë nga masat ekstreme të marra për të adresuar krizën financiare globale. Philip Levy thotë se u shfaqën edhe disa prova në momentin që Banka Qëndrore Europiane uli normën e politikës së saj në -0.5% dhe premtoi të fillojë përsëri blerjen e bonove. Këto janë faktorë për t’u shqetësuar. Por edhe nëse nuk do t’i kishim këto shenja, vështirësitë sërish do të ishin të pranishme.
Lexo: Elon Musk paralajmëron zgjerimin e kompanisë Tesla në vendet e Ballkanit
Lufta në rritje e tarifave midis dy ekonomive më të mëdha në botë po bëhet shumë e madhe. Jo vetëm që ndikon drejtpërdrejt në Shtetet e Bashkuara dhe Kinë, por duket se po e shtrin ndikimin e saj edhe në Europë. Ekzistojnë gjithashtu rreziqe të përhapjes së konfliktit tregtar, si pasojë e kërcënimeve të SHBA-së për të rritur tarifat ndaj partnerëve të tjerë tregtarë. Marrëdhëniet tregtare duken të qeta për momentin midis Shteteve të Bashkuara dhe Japonisë. Administrata Trump e njoftoi Kongresin për një marrëveshje paraprake që duhet të parashikonte tarifat “kërcënuese” të automjeteve.
Lexo: Kapitalizmi po dështon. A mund të jetë ekonomia islame përgjigja?
Përtej aplikimit të tarifave amerikane, është afati i afërt i Brexit, ku një prej ekonomive më të mëdha në botë, Mbretëria e Bashkuar është planifikuar të shkëputet nga Bashkimi Europian. Koreja e Jugut dhe Japonia janë në mosmarrëveshje gjithnjë e më të rënda. Përtej këtyre goditjeve të shkaktuara nga politika, ka më shumë tronditje konvencionale, siç është konflikti në Lindjen e Mesme që mund të kufizojë furnizimet e naftës. Përkundër të gjitha këtyre kërcënimeve, ia vlen të mbani mend se shumica e parashikimeve, flasin për një rritje të ngadaltë dhe të qëndrueshme për vitin 2019 dhe në vitin 2020.
“Ndërsa ne po shohim më shumë pesimizëm dhe pengesa në sektorin e prodhimtarisë, shumica e ekonomive të mëdha kanë hyrë shumë në shërbimet e tregtisë , i cili mund të kufizojë dëmin”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
