“Destinacioni i muajit Korrik: Shqipëria”, kështu titullohet një artikull nga Boursorama Lifestyle, portali i njohur francez dedikuar turzimit, kulturës, lifestyle, etj. Për të gjithë ata që duan t’i shpëtojnë Rivierës Franceze dhe turistëve të shumtë, artikulli sugjeron Rivierën Shqiptare. Ja çfarë shkruhet në brendësi:
Rajoni i Ballkanit është joshës. Një klimë e mirë dhe bukuri natyrore për t’u shijuar nga çdo turist. Pas Serbisë dhe Malit të Zi, ju ftojmë të zbuloni Shqipërinë.
Vetëm 2 orë e 30 min me avion nga Parisi, Shqipëria është një perlë e panjohur për turistët francezë. Ja çfarë e bën interesant këtë destinacion:
Plazhe përrallore dhe thuajse të braktisuraa
Shqipëria njihet veçanërisht për autenticitetin dhe mikëpritjen nga vendasit. Malet masive mbulojnë 70% të territorit. Në mes të këtij relievi, një qytet i vogël si Gjirokastra meriton një vizitë. Shtëpi prej guri që bëjnë pjesë në listën e Trashëgimive Botërore të mbrojtura nga UNESCO.
Për ata që duan rërë të mirë, Riviera Shqiptare është një parajsë. Resorte, por dhe plazhe shumë të bukura thuajse të braktisura (që do t’i zbuloni duke ecur në këmbë). Për ata që kërkojnë rehatinë e shezllonit, aktivitete në ujë dhe restorante buzë detit, Ksamili është kryefjala. Por kujdes, sepse popullariteti i tij në rritje po tërheq shumë e shumë turistë.
Nëse Shqipëria ju intrigon, mos prisni shumë gjatë por prisni biletat, sepse është një destinacon që duhet-parë-patjetër nga çdo turist Europian.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
