Sipas sipërmarrësit Vasil Naçi për të arritur sukses në sipërmarrje duhet të kesh besim në vetvete, të kesh ëndrra dhe të punosh fort për t’i bërë realitet ato. Sipas tij, të rinjtë duhet ta shikojnë veten si qytetarë të kësaj bote, e cila ndryshon çdo ditë. Ta duan jetën, të kujdesen për çdo aspekt të saj, të kultivojnë frymën e mirënjohjes dhe kontributit.
Lexo: Punë, disiplinë e këmbëngulje. Këshillat e sipërmarrësit Vasil Naçi për sukses
Ndërsa Kadri Morina këshillon që sinqeriteti dhe atraktiviteti janë dy pikat kyçe që të çojnë përpara, drejt suksesit. Sipas tij, ëndërr në jetë nuk duhet të jetë paraja, por puna. Njeriu duhet t’i vërë një qëllim vetes dhe të synojë arritjen e këtij qëllimi. Sipërmarrësit e rinj zgjedh t’i motivojë me këtë shprehje: ”Biznesi fillohet me punë, puna të sjell para, paraja të sjell punë, kënaqësi, dashamirësi”.
Flamur Hoxha, për të gjithë ata që synojnë sukses në sipërmarrjen e tyre këshillon: punën e ndershme, impenjimin, të qenurit shumë dimensional, zgjedhjen e partnerit të duhur. Mbi të gjitha të kesh pasion punën dhe të jesh profesionist.
Lexo: Do të bëhesh sipërmarrës i suksesshëm?! Ja disa këshilla nga Flamur Hoxha
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
