Më 17-19 Shkurt 2019, investitorët ëngjëj do të mblidhen së bashku në Stamboll në Kongresin Botëror të Investitorëve Ëngjëj – WBAF 2019 me qëllim krijimin e mënyrave të reja për startup-et dhe bizneset në rritje në mënyrë që të thithin financime.
Në këtë mbledhje të investitorëve ëngjëj- forumi më i madh i investimeve në botë – WBAF dëshiron t’u japë 66 startup-eve, scale-ups dhe bizneseve një mundësi për t’u lidhur me qindra investitorë ëngjëj nga pesë kontinentet.
Këto startup-e do të bëjnë pitch-in e tyre përpara investitorëve ëngjëj, drejtuesve të lartë, menaxherëve të fondeve, drejtorëve të grupeve të investimeve ëngjëj, drejtuesve të sipërmarrjeve të korporatave, drejtuesve të akseleratorëve, drejtorëve të investimeve në fushën e teknologjisë dhe VC.
Misioni është që të njihen startup-et dhe scale-ups me rritjen më të lartë me qëllim globalizimin. GFRS – Global Fund Raising Stage 2019 do të jetë në thelb një platformë bashkë-investimesh për investitorët ëngjëj, startup-et, scaleup-et dhe bizneset në rritje.
E rëndësishme
Nëse jeni një sipërmarrës ose një institucion si p.sh. një qendër inkubimi, qendër bashkëpunimi ose një akselerator i cili dëshiron të promovojë marrëveshje përtej kufijve dhe kërkon raunde shtesë financimi ose partnerë të rinj për rritje ndërkombëtare, ne ju inkurajojmë që të mësoni më shumë sesi biznesi juaj mund të përfitojë nga kjo mundësi unike. Për më shumë informacion klikoni në linkun: https://wbaf2019.istanbul/GFRS-2019-About
Aplikimet do të pranohen vetëm online përmes email në adresën: startup@wbaforum.org.
Të gjithë aplikantët duhet të shkarkojnë dokumentin e mëposhtëm për të mësuar më shumë rreth procesit të aplikimit: https://wbaf2019.istanbul/GFRS-2019-About
WBAF do të pranojë aplikimet për GFRS – Global Fund Raising Stage 2019 deri në datën 15 Janar 2019.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
