Tiranës do t’i duhej shumë kjo risi.
Elon Musk ka njoftuar në Twitter se tuneli i parë i Boring Company do të hapet në 10 Dhjetor, me xhiro falas për publikun gjatë ditës.
Kompania Boring është lançuar në vitin 2016 në Twitter, ndërkohë që Elon kishte ngecur në trafik në Los Angeles. Ai shkruajti se trafiku po e mërziste dhe ishte gati të ndërtonte një makinë të madhe dhe të fillonte gërmimet. “Do ta quaj Kompania Boring (e mërzitshme, frymëzuar nga trafiku),” vazhdoi ai. “Boring, është ajo që bëjmë”. Dhe ndërkohë që të tjerët menduan se ishte thjesht një shaka, ai e krijoi.
Opens Dec 10
— Elon Musk (@elonmusk) October 22, 2018
Në prill të vitit të kaluar, Kompania Boring nxori një video ku tregohet se si do të funksinojnë tunelet, me makina të ulura në platforma të veçanta dhe të transportuara përmes një tuneli në një pistë me shpejtësi deri në 250 km për orë. Njësitë e tjera brenda tunelit, di të përdoren nga këmbësorët dhe biçikletat në mënyrë që të lëvizin brenda tij.
Tuneli që do të hapet në Dhjetor është përshkruar si një “tunel provë” dhe ndodhet në Hawthorne, Kaliforni, në një tokë që Musk zotëron. Në vende të tjera këto tunele janë përballur me pengesa ligjore.
Musk është i vendosur se hapja e një tuneli dhe ftimi i publikut për ta provuar atë do të ndikojë mirë në gjykatën e opinionit publik. Dhe se ndikimi nga ata që e kanë parë tunelin në veprim do të ndihmojë të bindë qeveritë lokale që të mbështesin projektin në vend që ta luftojnë atë.
Funksionon ose jo, kjo mbetet një lëvizje e zgjuar.
https://www.youtube.com/watch?time_continue=69&v=u5V_VzRrSBI
/INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto