Menjëherë pas letrës së ministrit të Financave dërguar biznesit për konsultime për paketën fiskalë përgjigjet Konfindustria. Në një njoftim për shtyp. Administratori i saj Gjergj Buxhuku thotë se, politika fiskale e vendit për vitin 2019 duhet të kalojë në sistemin e taksës së sheshtë dhe me kah ulës të ngarkesës për qytetarët dhe bizneset e tregut të lirë.
Për këtë, sillet në vëmendje strategjia e qeverisë së re të Italisë, për zbatimin e taksës së sheshtë/flat tax për qytetarët dhe bizneset. Ndryshimet thelbësore të politikës fiskale të Italisë si partneri kryesor tregtar do të kenë ndikim të drejtpërdrejtë në zhvillimet ekonomike në Shqipëri.
Ju mund të lexoni edhe: Paketa fiskale, Ahmetaj fton sipërmarrësit për konsultime
Për Konfindustrinë, nuk kan qenë e suksesshme politika e deritashme e taksave.
Konfindustria vëren se, “rritja mesatare vjetore e Prodhimit të Brendshëm Bruto në më pak se 2.5% në 5 vitet e fundit, borxhi publik që nuk po shënon rënie nga niveli i 72% të PPB-së, informaliteti i larte shprehur dhe ne zhvlerësimin e fortë të panatyrshëm prej mbi 8% të Euro-s kundrejt Lek-ut, vendi i fundit në Rajon për tërheqjen e investimeve të huaja, emigracioni i shtuar dhe goditja e mirëqënies se shtresës së mesme, etj. janë tregues të qartë të nevojës për ndryshime thelbësore të politikave ekonomike dhe fiskale të vendit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
