Nëse rruga Tiranë-Durrës ju ka shqetësuar, tashmë priten përmirësimet. Java ka nisur me punime në autostradën e këtij segmenti.
Por, nisja e punimeve në qershor, ka ngjallur debat për trafikun që mund të krijohet në prag të pikut të turizmit detar.
Që me nisjen e punimeve ka pasur shtim të trafikut në rrugën dytësore në dalje dhe hyrje të kryeqytetit.
Ministri i Infrastrukturës, Damian Gjiknuri ka theksuar nga Vora, tha se kompanitë do të punojnë edhe natën për të përfunduar sa më shpejt ndërhyrjen.
“Brenda Qershorit ky segment do të jetë plotësisht i riparuar dhe do të jetë i hapur për trafikun. Pra bëhet fjalë vetëm për dy javë shqetësime’’, ka theksuar Ministri.
Punimi konsiston në një ndërhyrje emergjente për riparimin e shtresave të dëmtuara asfaltike. Sipas tij, kantieret janë të domosdoshme megjithëse kanë gjithmonë probleme.
Drejtoria e Rrugëve po bashkëpunon me policinë e shtetit për një disiplinë më të mirë të trafikut.
Megjithatë, ministri Gjiknuri tha se “Qytetarët që duan të shkojnë në jug, e mira është të marrin rrugën e Elbasanit dhe të shkojnë nga Rrogozhina”.
Ju mund të lexoni edhe: Gjiknuri: tarifë kalimi, ose taksë të gjithë shqiptarëve për rrugën Durrës-Morinë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
