Prirja për të marrë hua në monedhën vendase, duke iu shmangur euros tashmë është bërë e dukshme. Sipas të dhënave të fundit të Bankës së Shqipërisë, huaja e dhënë në lekë ka shënuar një rritje vjetore prek 5.8%, ndërsa, ra kreditimi në monedha të huaja me 5%.
Në tërësi, kreditimi në ekonomi po shënon një tkurrje të lehtë muajt e fundit, duke treguar për një frenim të investimeve nga individët e kryesisht nga bizneset.
Gjatë muajit prill, sipas të dhënave të BSH, stoku i kredisë në total ra 0.4%. Prirja rënëse prej 6 muajsh ka bërë që totali i kredisë së dhënë në ekonomi të jetë pothuaj në të njëjtat nivele të një viti më parë (0.1% më shumë).
Vlera e parasë së kredituar në ekonominë në total është 546 miliardë lekë. Tashmë më pak se gjysma e kësaj huaje është në monedhë të huaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
