Duket se më në fund është duke ndodhur. Raketa e SpaceX, Falcon Heavy, mund të ketë një datë nisje sipas Chris G. nga NASASpacefight.com.
Raketa do të niset jo më herët se data 6 shkurt, në një hapësirë kohore midis orës 1:30 dhe 4:30 të ditës. Ka gjithashtu një plan rezervë për datën 7 shkurt në rast problemesh.
Kjo ka qënë një rrugë e gjatë për Falcon Heavy, por SpaceX duket se po leviz mirë, duke ndjekur dhe testin e kryer pak dite më parë. Duhet thënë gjithsesi se data e nisjes nuk është plotësisht e sigurt. Në fillim do të ketë një nisje për Falcon 9 që duhet të ndodhë patjetër këtë javë, për ti ‘hapur’ rrugë udhëtimit të Falcon Heavy. Gjithsesi është emocionuese të kemi një datë fikse pas kaq shumë kohe pritje.
Vetë Elon Musk, drejtues i kompanisë SpaceX, ka lajmëruar për datën nëpërmjet një njoftimi në Twitter. Mbetet për tu parë se si do të shkojë ky mision historik i nisur nga vizionari Musk.
Burimi:engadget.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
