Pse ushqimet Hallall janë shumë të shitura?

Ushqimet Hallall janë shumë të dashura për “millennials”.

Roli i muslimanëve në jetën amerikane është një temë nën shqyrtim e cila ka qenë dhe pjesë e debateve zgjedhore. Por ka një aspekt të kulturës muslimane të cilët amerikanët e kanë përzemër dhe për të cilën ata po hapin shpesh portofolat e tyre: ushqimet Hallall. Ushqimi Hallall do të thotë që është përgatitur sipas ligjeve dietike të muslimanëve. Hallall tregon çfarë nuk lejohet (mishi i derrit përshembull) dhe përfshin rregulla se si trajtohen kafshët. Kjo kategori është rritur me 1/3 që nga viti 2010 dhe shitjet po ecin me shpejtësi duke kapur kështu vlerën e 20 miliardë $ për vitin 2016, duke e dyfishuar kështu shifrën e fitimeve në pesë vitet e fundit.

3.3 milionë muslimanë në Shtetet e Bashkuara të Amerikës sigurisht kanë një rol të madh në popullaritetin e ushqimeve Hallall, veçanërisht sepse numri i tyre është në rritje. Por Bloomberg theksoi se janë edhe jo-muslimanë të Amerikës të cilët po e rritin popullaritetin e kësaj kategorie.

Njerëzit sot, sidomos “millennials”, janë më shumë të interesuar në atë çfarë hanë, nga vjen dhe si trajtohen kafshët. Shumë njerëz e shohin këtë si një garanci të cilësisë së ushqimit apo trajtimit human të kafshëve, ndërkohë që disa të tjerë – si përshembull njerëzit të cilët janë të gatshëm të presin rradhën e gjatë për produktet Hallall – e kanë dhënë aprovimin me “stomakun e tyre”.

*millennials – quhet gjenerata e atyre që kanë lindur mes vitit 1980 dhe 2000.

/Time.com