Pjesën më të madhe të ditëve, kur Miguel McKelvey, bashkëthemeluesi i WeWork, vjen në shtëpi nga puna, gjëja e parë që bën është që të largojë telefonin e tij. Në fund të fundit, ai ka një V.I.P., i cili mezi ka pritur gjatë të gjithë ditës për ta parë atë: djali i tij 6-vjeçar.
“Unë e vendos telefonin në banak dhe mundohem të mos e shikoj sa më shumë kohë që të jetë e mundur,” ka thënë arkitekti dhe bashkëthemeluesi dhe drejtori kreativ i ‘WeWork’ për Entrepreneur. “Duke bërë këtë, unë ndihem më i angazhuar me familjen time, ndihem më i angazhuar me djalin tim kur luaj me të…dhe kjo kthehet në meditim të vërtetë, pasi është pothuajse një arratisje nga jeta e përditshme.”
Puna e përditshme përfshin vizitat, drejtimin dhe përmirësimin e vazhdueshëm të shumë prej hapësirave të punës të WeWork në 29 qytete në të gjithë SHBA-të, Kanadanë, Europën dhe Izraelin.
Ndonjëherë ai e sjell të birin në zyrë, me shpresën se do ta frymëzojë atë të bëhet sipërmarrës si vetja. “Ndjenja ime rreth të qënit baba dhe sipërmarrës është shembull i jashtëzakonshëm, pasi ndihem i gëzuar të ndaj atë që bëj me tim bir,” shpjegon ai.
Por McKelvey gjithahtu kënaqet duke kaluar kohë me djalin e tij, vetëm duke qenë me të dhe duke mos bërë asgjë tjetër. “Unë nuk dua të shpërqëndrohem,” thotë ai. “Unë dua të jem tërësisht i pranishëm në momentet që i kaloj me të. Ky është çelësi. Nëse nuk e bën plotësisht diçka, ka shumë mundësi të mos jesh duke e bërë mirë.” Përfshirë këtu edhe prindërimin.
Këtu ka një mësim shumë të mirë për të mësuar nga shumë prej sipërmarrësve të zënë në punë të ditëve të sotme.
/Shkruar nga Kim Lachance Shandrow dhe publikuar nga Entrenpreneur
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
