Kryeministri David Cameron do të japë dorëheqjen në Tetor pas vendimit të Mbretërisë së Bashkuar për largimin nga Bashkimi Europian.
Cameron e bëri njoftimin në një deklaratë jashtë Downing Street pas shpalljes së rezultatit final.
Ai tha se do të tentonte të “mbante të qëndrueshme anijen” gjatë javëve dhe muajve në vijim, por ky “lidership i freskët” ishte i nevojshëm.
Kryeministri u kishte bërë thirrje qytetarëve të qëndronin, duke paralajmëruar pasoja ekonomike dhe sigurie për shkak të një daljeje, por Mbretëria e Bashkuar votoi të largohej 52% kundrejt 48%.
Anglia dhe Uellsi votuan fuqimisht për një “Brexit”, ndërsa Londra, Skocia dhe Irlanda e Veriut mbështetën qëndrimin në BE.
Lideri i UKIP, Nigel Farage e konsideroi atë si ‘ditën e pavarësisë” së Mbretërisë së Bashkuar, ndërsa e quajti kampin e mbështetësve për të qëndruar si një ‘katastrofë’.
Paundi ra në nivelin e tij më të ulët përkundrejt dollarit që prej 1985-s, ndërsa tregjet reaguan ndaj rezultateve.
Ndërkohë kryeministri Cameron ka njoftuar Mbretëreshën për vendimin e tij të qëndrimit afatshkurtër, dhe më pas për dorëzimin e detyrës një kandidati tjetër pas Konferencës së Konservatorëve në Tetor 2016.
/BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
