Guvernatori i Bankës së Shqipërisë, Gent Sejko zhvilloi një vizitë dyditore në Bankën Qendrore të Francës, ku u prit nga homologu e tij francez, François Villeroy de Galhau.
Sejko e njohu guvernatorin e Francës me zhvillimet e fundit në ekonominë shqiptare, duke theksuar se, pavarësisht ambientit të pafavorshëm rrethues, rritja ekonomike e Shqipërisë ka shënuar ecuri pozitive.
Dy guvernatorët biseduan mbi sfidat aktuale të politikës monetare, në një situatë të vështirë me pasiguri të përgjithshme dhe inflacion të ulët kudo në tregjet europiane. Guvernatori francez ka vlerësuar politikën e ndjekur nga Banka e Shqipërisë.
Në cilësinë e anëtarit të Bordit në Bankën Qendrore Europiane, ai siguroi se kjo bankë do të vazhdojë të mbështesë Bankën e Shqipërisë me ekspertizë dhe forcimin e kapaciteteve, derisa Shqipëria të bëhet pjesë e familjes europiane.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
