Shumicën e planeve që kemi për Vitin e Ri nuk i realizojmë sepse ne përpiqemi të ndryshojmë sjelljet dhe jo veten tonë. E vërteta është se njerëzit nuk mbajnë dot mend paragrafe dhe fjali të gjata. Një fjalë e vetme është shumë e thjeshtë për t’u memorizuar dhe ndjekur gjatë gjithë vitit.
Më poshtë mund të ndiqni disa hapa të thjeshtë për të gjetur fjalën tuaj të vitit:
1.Shkëputuni nga e përditshmja.
Largohuni nga kompjuteri dhe televizori, mbyllni celularët dhe gjeni pak kohë të meditoni ose të mendoni thellë për Vitin e Ri. Kjo mund të jetë një ecje në qytet, një shëtitje në natyrë ose një shkrim në ditarin tuaj. Këto dhe të tjera metoda mund t’ju ndihmojnë në gjetjen e fjalës suaj. E rëndësishme është të largoheni nga zhurma e së përditshmes dhe të dëgjoni zërin tuaj të brëndshëm.
2. Pyesni veten.
Bëjini vetes tuaj 3 pyetje. Çfarë më duhet? Çfarë më pret? Çfarë duhet të lë pas? Përgjigjuni pyetjes tuaj të parë duke menduar çfarë ju nevojitet dhe jo çfarë dëshironi të keni. Pasi t’i jeni përgjigjur qartë këtyre tre pyetjeve do ta keni më të lehtë të gjeni fjalën tuaj të vitit.
3. Hapeni zemrën tuaj
Mund të shtoni dhe një pyetje tjetër : Çfarë duhet të ndodhë brënda dhe nëpërmjet meje. Kjo është një pyetje e mirë në mënyrë që të ftoni fjalën për t’ju gjetur dhe jo anasjelltas. Pas këtyre pyetjeve me shumë mundësi një ose disa fjalë do dalin në sipërfaqe.
4. Lëre fjalën e vitit t’ju frymëzojë dhe transformojë.
Kjo do të thotë ta bëni fjalën e vitit pjesë të përditshmërisë suaj. Postojeni këtë fjalë në faqen e parë të kompjuterit, celularit apo në murin e dhomës suaj. Është e rëndësishme ta ndani këtë fjalë me njerëzit tuaj të ngushtë, pasi kjo ju ndihmon të qëndroni afër objektivave tuaj. Ta përdorni këtë fjalë me njërëzit që punoni dhe t’i shtyni ata të gjejnë fjalën e tyre magjike për këtë vit do t’ju bëjë më produktivë. Ju gjithashtu mund të gjeni një fjalë të vetme për kompaninë tuaj .
Sa më shumë njerëzve t’i thoni për fjalën tuaj aq më shumë do të shfaqet në jetën e përdithsme. Tani është rradha juaj. Cila është fjala që do ju frymëzojë gjatë Vitit të Ri 2016?
/Inc.com/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
