Asnjëherë nuk është vonë për të mësuar një gjuhë të re. Ti mund të rrish mbi libra, të dëgjosh CD të shumta apo të përdorësh google translate – po këto aplikacione janë më të thjeshta për të zhvilluar një gjuhë ditë pas dite. Dhe këta të fundit janë falas!
Duolingo
Me një faqe të bardhë dhe të thjeshtë për t’u përdorur, Duolingo të lejon të arrish progres hap pas hapi. Ti fillon me fraza të thjeshta dhe më pas kalon në gjëra më komplekse. Duolingo të ndihmon në çdo hap duke të treguar gabimet e bëra dhe duke vlerësuar arritjet e tua.
Ky program me më shumë se 25 milionë përdorues, të mëson të lexosh, shkruash dhe të shqiptosh duke të sfiduar në aktivitete të ndryshme. Nëse keni harruar diçka, është shumë e thjeshtë t’i riktheheni përsëri mësimit dhe të punoni me dobësitë që mund të keni.
Çfarë mund të mësosh: Anglisht, Frengjisht, Gjermanisht, Italisht, Spanjisht.
Memrise
Ne fillimisht e përdorëm Memrise për të mësuar gjuhën Kineze, Mandarin në veçanti dhe pamë se ishte vërtetë efektive. Aplikacioni përdorë analogjinë e mbjelljes për të mësuar; bimë, ujë dhe rritje. Filloni të mbillni kujtime të reja në kopshtin tuaj, i ujisni dhe i rrisni ato në një memorie më afatgjatë. Metoda që ky aplikacion përdor me animacione dhe pamje që ndihmojnë kujtesën, dhe quiz-ce është vërtetë interesante. Aplikacioni do të ofrojë më shumë gjuhë; duke zgjeruar shtrirjen gjeografike, historinë dhe kulturën.
Çfarë mund të mësosh: Mandarin, Gjermanisht, Frengjisht, Rusisht.
busuu
Pas çdo mësimi, përdoruesit e Busuu bëhen pjesë e një bisede. Aplikacioni shfaq një video ku dikush tjetër është duke folur, dhe më pas përdoruesit i kërkohet të regjistroj dhe ai përgjigjet e tij/saj. Komuniteti ka mbi 35 milion folës vendas, kështuqë keni shumë mundësi për të praktikuar gjuhën e folur.
Çfarë mund të mësosh: Anglisht, Frengjisht, Gjermanisht, Italisht, Spanjisht, Rusisht, Turqisht, Portugalisht, Japonisht, gjuhën Kineze dhe atë Polake.
MindSnacks
Mindsnacks ju ofron një mënyrë falas për t’u argëtuar dhe njëkohësisht për të mësuar gjuhë dhe kultura të ndryshme. Ai përmban 11 mësime të ndryshme të dizenjuar në lojëra të thjeshta për t’a bërë mësimin më interesant. Çdo mësim është i ngjashëm me një libër fëmijësh, ku përdoruesit i kërkohet të zgjidh puzzle-in sipas gjuhës që ka përzgjedhur për të mësuar.
Çfarë mund të mësosh: Anglisht (SAT), Frengjisht, Gjermanisht, Italisht, Spanjisht, Japonisht, Portugalisht, gjuhën Kineze dhe gjithashtu ka dhe një fjalor për fëmijë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
