Cili është vendi më inovativ në botë?
Jo më larg se pak ditë më parë Universiteti Cornell, Shkolla e Biznesit INSEAD dhe Organizata Botërore e Pronësisë Intelektuale kanë publikuar një raport në të cilin renditen 140 vende dhe ekonomi në mbarë btën sipas nivelit të inovacionit duke na përftuar Indeksin Global Për Inovacionin (The Global Innovation Index 2015). Renditja bazohet në 79 treguesë. Kryesojnë listën Zvicra, Britania e Madhe, Suedia, Hollanda dhe Amerika.
Shqipëria renditet e 87-ta ndër 140 shtete, 8 pozicione më lartë se në 2014. Ndonëse një vend me të ardhura për frymë mbi mesataren (PBB $ 9,903.5), sot ajo vlerësohet si inefiçente në inovacion. Krahasuar me vendet e rajonit, Shqipëria mbetet mbrapa. Ky vlerësim bazohet në 79 tregues të ndarë në 7 kategori kryesore: 1) Kuadri institucional; 2) Kapitali njerëzor dhe puna kërkimore; 3) Infrastruktura; 4) Sofistikimi i tregut; 5) Sofistikimi i biznesit; 6) Produktet teknologjike dhe intelektuale; dhe 7) Produktet kreative. Tabela e mëposhtme tregon renditjen e Shqipërisë në secilën prej kategorive.
Ndërsa kuadri institucional dhe infrastruktura e nevojshme për gjenerimin e produkteve të inovacionit vlerësohen deri diku pozitivisht, investimi në kapitalin njerëzor dhe puna kërkimore janë të domosdoshëm në krijimin e produkteve të inovacionit.
/Ky artikull u publikua më parë nga SD4.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
