Markimi i karburanteve, 10 miliardë në vit kosto shtesë për qytetarët

Markimi i karburanteve, 10 miliardë në vit kosto shtesë për qytetarët


Konçesioni i markimit të karburanteve mund t’u kushtojë qytetarëve edhe 10 milionë dollarë shtesë në vit më shumë nga ajo që paguhet aktualisht.

Pas konfliktit që kulmoi më ndërprerjen e shërbimit në doganë duke çuar në paralizimin e tregut të karburanteve, ministria e Financave dhe kompania koncesionare GFI janë në negociata për të gjetur njëmarrëveshje.

Në kontratën e koncesionit të nënshkruar nga qeveria e mëparshme parashikohet që veç karburantit të gatshëm, GFI të markojë edhe naftën bruto, edhe pse kjo pikë nuk është zbatuar deri më tani.

Por çfarë pasojash financiare do të sillte markimi i naftës bruto? Sipas një raporti të përbashkët nga ministria e Energjetikës dhe ajo e Financave rezulton se përfshirja e naftës bruto në markim do i shkaktonte kompanive konçesionare që prodhojnë naftë nga nëntoka shqiptare një kosto prej 1 miliardë lekësh në vit. Por këto kjo kosto nuk do të paguhet nga këto kompani, por do i shkarkohen qytetarëve.

Në të gjitha marrëveshjet e koncesionit është parashikuar që çdo rritje taksash mbi konçesionarët kompesohet plotësisht. Kjo do të thotë se nëse kompanitë e prodhimit të naftës do detyrohen të paguajnë 1 miliardë lekë tek koncesionari i markimit ato do të ulin pagesën e taksave në buxhet në të njëtën vlerë.

Ministria e Financave është në negociata me GFI, për të gjetur një zgjidhje përfundimtare. Deri më tani nuk bëhet i ditur asnjë detaj mbi negociatat, por GFI kërkon të drejtën e markimit edhe për naftën bruto sipas kushteve të kontratës. Një kërkesë e cila ka shumë gjasa të realizohet.

A do të paguhet ky shërbim nga kompanitë e prodhimit, apo drejtëpërdrejtë nga buxheti kjo ka pak rëndësi. Nëse nafta bruto do të markohet, kostoja prej gati 10 milionë dollarësh në vit, do të bjerë direkt mbi qytetarët.

/Top-Channel/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0