Nga Eni Muça – Në diskursin bashkëkohor të biznesit, mirënjohja shpesh trajtohet si një praktikë e zhvillimit personal, e lidhur më shumë me mirëqenien emocionale sesa me performancën apo rezultatet konkrete. Megjithatë, në realitet, ajo funksionon si një mekanizëm rregullues i mendimit dhe sjelljes, me ndikim të drejtpërdrejtë në mënyrën se si liderët përballen me pasigurinë, presionin dhe marrjen e vendimeve në kushte jo të plota informacioni.
Vendimmarrja në biznes rrallë ndodh në rrethana ideale. Shpesh ajo ndodh nën stres, me afate të shkurtra dhe me rrezik real. Në këto kushte, cilësia e vendimit nuk varet vetëm nga analiza apo përvoja, por edhe nga gjendja e brendshme nga e cila vepron lideri. Pikërisht këtu, mirënjohja shfaqet si një faktor i nënvlerësuar, por thelbësor.
Këtë perspektivë e ndan edhe Valentina Rexhaj, mësuese meditimi, hipnoterapiste dhe mentore e shëndetit mendor, e cila punon prej vitesh me drejtues biznesesh dhe profesionistë në role vendimmarrëse.
Siç shprehet Valentina: “Vendimet merren gjithmonë nga një gjendje e brendshme. Nëse ajo gjendje është frika, edhe vendimi do të jetë i kufizuar.”
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
