Administrata Tatimore u ka bërë thirrje të gjithë qytetarëve dhe bizneseve që të mos e lënë për ditët e fundit dorëzimin e deklaratave vjetore për vitin 2025, pasi afati përfundimtar është 31 marsi.
Në një njoftim zyrtar, autoritetet theksojnë se dorëzimi në kohë i deklaratave ndihmon në shmangien e mbingarkesës së sistemit elektronik, e cila zakonisht krijohet në ditët e fundit të afatit, duke sjellë vonesa dhe vështirësi teknike për tatimpaguesit.
Lexo gjithashtu: 10 minuta që ndryshojnë gjithçka, ja si ta rifreskoni trurin dhe të rrisni fokusin menjëherë
Sipas të dhënave më të fundit, një numër i konsiderueshëm qytetarësh dhe biznesesh kanë përmbushur tashmë detyrimin e tyre fiskal. Deri tani rezulton se 79,925 tatimpagues kanë dorëzuar deklaratën për të ardhurat personale nga biznesi, 15,306 subjekte kanë deklaruar të ardhurat e korporatave, ndërsa 89,199 individë kanë plotësuar deklaratën vjetore të të ardhurave personale.
Administrata Tatimore rikujton se deklarimi brenda afatit nuk shmang vetëm penalitetet e mundshme për vonesa apo mosdeklarim, por gjithashtu garanton një proces më të qetë dhe më efikas për të gjithë tatimpaguesit.
Për çdo paqartësi apo asistencë, qytetarët dhe bizneset mund të kontaktojnë falas Qendrën e Thirrjeve në numrin 0800 0002.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
