Challenge Fund ka mbështetur startup-e të ndryshme shqiptare në rrugëtimin e tyre drejt rritjes dhe ndikimit real. Ne, në BusinessMag, po i transmetojmë këto histori suksesi për t’i sjellë më pranë publikut dhe për të nxjerrë në pah punën, sfidat dhe arritjet e sipërmarrësve që po ndërtojnë zgjidhje inovative. Përmes serisë #StartupStories, ju prezantojmë shembuj realë të ndikimit që vjen nga mbështetja e duhur, sot, me SKAITECH.
SKAITECH është kompania e parë e dronëve në Shqipëri, e themeluar në vitin 2020 me ambicien për të “prekur qiellin”. Kompania ofron një gamë të plotë shërbimesh, zgjidhjesh dhe produktesh në fushën e dronëve. Nga prodhimi dhe personalizimi i dronëve, te riparimi, konsulenca dhe trajnimet profesionale, SKAITECH pozicionohet si pika e referencës për gjithçka që lidhet me dronët në Shqipëri dhe Kosovë. Ekspertiza e kompanisë shtrihet edhe në fusha si inteligjenca artificiale, sistemet pa pilot, robotika, IoT dhe teknologjitë cloud, duke ndërtuar gradualisht vizionin afatgjatë për të çliruar potencialin e dronëve, robotikës dhe AI në tregun rajonal.
SKAITECH është e angazhuar të ofrojë zgjidhje inovative dhe me impakt real për bizneset në një gamë të gjerë sektorësh, përfshirë infrastrukturën, energjinë, bujqësinë, sigurinë dhe mbrojtjen. Përmes teknologjisë së saj, kompania ndihmon bizneset të kursejnë orë pune në procese të rrezikshme, të rrisin eficiencën operacionale dhe të gjenerojnë inteligjencë biznesi që mbështet rritjen dhe suksesin komercial. SKAITECH po kontribuon në riformësimin e kuptimit të “Made in Albania”, duke e lidhur atë me inovacionin, teknologjinë dhe standardet ndërkombëtare.
View this post on Instagram
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
