Bashkimi Evropian i ka kërkuar TikTok që të ndryshojë “dizajnin e tij të varësisë” ose të përballet me gjoba të mëdha, pasi ka gjetur se platforma e ndarjes së videove ka shkelur rregullat evropiane për sigurinë online.
Ky vendim vjen pas një hetimi që Komisioni Evropian nisi në shkurt 2024 ndaj aplikacionit të pronësisë kineze.
Lexo edhe: Paketa e Maleve, bilanci i një nisme që mbetet ende në letra
Në gjetjet e saj paraprake, Komisioni tha se TikTok nuk ka “vlerësuar siç duhet” se si funksionet si autoplay mund të dëmtojnë mirëqenien e përdoruesve, përfshirë fëmijët dhe se nuk ka zbatuar masa për të ulur këto rreziqe.
Një zëdhënës i TikTok i tha BBC-së se gjetjet paraqisnin një “përshkrim krejtësisht të rremë dhe pa asnjë bazë” të platformës dhe se kompania planifikon t’i sfidojë ato. Platforma është ftuar të përgjigjet ndaj gjetjeve të BE-së. Në varësi të rezultateve, Komisioni mund të gjobisë TikTok deri në 6% të xhiros së saj globale vjetore, që llogaritet në disa miliarda.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
