Sipas këshillave nga Bielińska, gati gjysma e sfidave që klientët e saj kanë lidhen me networking-un. Shumica thonë të njëjtën gjë: “Patëm një bisedë shumë të mirë, por s’doli asgjë prej saj.” Networking-u shpesh duket i sikletshëm, i paqartë dhe i vështirë për t’u futur në një ditë plot takime, afate dhe përgjegjësi. Por gabimi më i madh është ta shohim si një detyrë shtesë.
Zgjidhja? Të bësh networking natyrshëm, brenda asaj që ke tashmë në kalendar.
Bielińska ka ndërtuar një metodë të thjeshtë: Shfaqu. Krijo një Call to Action. Ndiqe.
Është një sistem i shpejtë, praktik dhe i orientuar drejt rezultateve, perfekt për profesionistët e zënë.
1. Shfaqu (Show Up)
Mos krijo takime të reja, shko aty ku njerëzit që të interesojnë janë tashmë, projekte ndërdepartamentale, town hall-e, komitete, trajnime.
Por shfaqja nuk mjafton: duhet të vish i përgatitur.
Mendo: “Si mund t’i ndihmoj ata që të më ndihmojnë mua?”
Në një takim mentorimi, kjo do të thotë të kesh pyetjet gati. Në një projekt, të kuptosh çfarë vlerëson pala tjetër dhe si lidhet puna jote me të.
2. Call to Action
Pasi je shfaqur, duhet një arsye për ta vazhduar bisedën.
Call to action nuk është presion, është një ftesë e vogël për të mbajtur lidhjen gjallë.
Shembuj:
-
T’i shkruash: “Më pëlqeu komenti yt për X. Mund të ndaj disa ide nga ekipi ynë nëse të duhen.”
-
T’i thuash mentorit: “Do ta provoj këtë sugjerim dhe javës tjetër të tregoj si shkoi.”
-
T’i ofrosh dikujt një dokument, analizë ose përvojë që mund t’i vlejë.
Qëllimi është i thjeshtë: t’i japësh personit një arsye të vogël që të të përgjigjet.
3. Ndiqe (Follow Up)
Hapi që shumica e harrojnë dhe ai që bën gjithë diferencën.
Brenda 48 orëve, dërgo një mesazh të shkurtër. Nëse ke premtuar diçka, dërgoje ose jep një përditësim. Një follow-up i qartë tregon profesionalizëm dhe besueshmëri.
E gjitha zgjat më pak se 20 minuta, 5 minuta për t’u përgatitur, 3 minuta për call to action, 10 minuta për follow-up. Asnjë takim shtesë, vetëm ndërveprime të mençura, të fokusuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
