“Melia” merr dy çmime prestigjoze, “Most Loved Hotel Worldwide” e “Most Loved Hotel in Albania” për perlën e Adriatikut

Melia Durrës, një investim i Concord Investment, shkëlqen në skenën e turizmit shqiptar dhe ndërkombëtar. Me dy çmime prestigjioze, “Most Loved Hotel Worldwide” dhe “Most Loved Hotel in Albania”, dhënë nga Loveholidays, një prej platformave më të mëdha evropiane, me mbi 5 milionë udhëtarë aktivë, resorti modern arrin një sukses që e vendos në një kategori krejt tjetër ekselence.

Fakti që vlerësimi vjen nga, e shton edhe më shumë peshën e këtij suksesi dhe e vendos Melia Durrës në një kategori krejt tjetër ekselence.

I konsideruar si “Perla e Adriatikut”, i pozicionuar në gjirin magjepsës të Lalzit, vetëm pak minuta larg Tiranës, ky resort modern sjell elegancën e rafinuar spanjolle të Meliá Hotels International, ndërthurur natyrshëm me mikpritjen e ngrohtë shqiptare.

Me mbi 470 dhoma, koncept të plotë All-Inclusive, ambiente të dizajnuara me finesë dhe një shërbim që respekton standardet më të larta të cilësisë, Melia Durrës është shndërruar në destinacionin ideal për pushuesit që kërkojnë komoditet, qetësi dhe një përvojë që mbetet gjatë në kujtesë.

Partneriteti i fuqishëm me Loveholidays ka hapur dyert e një tregu të ri, veçanërisht nga Britania e Madhe, duke sjellë një valë të re turistësh dhe duke e vendosur Shqipërinë në hartën e destinacioneve që po marrin jehonë gjithnjë e më të madhe ndërkombëtare.

Në thelb të këtij triumfi nuk janë thjesht çmimet për t’u kornizuar, por një provë e qartë e punës, përkushtimit dhe pasionit të një ekipi që çdo ditë synon të tejkalojë pritshmëritë dhe të ofrojë përvoja që lënë gjurmë.

Melia Durrës vazhdon misionin e saj me një vizion të qartë: të krijojë emocione të vërteta pushimesh, t’i bëjë vizitorët nga çdo cep i globit të ndihen në shtëpi dhe të kontribuojë në rritjen e imazhit të Shqipërisë si një destinacion turistik që po ngjitet me ritëm të shpejtë drejt majave botërore.