Në një intervistë të fundit për Financial Times, Huang deklaroi se “Kina do të fitojë garën e inteligjencës artificiale.” Ai shtoi se Kina do të mposhtë SHBA-në për shkak të kostove më të ulëta të energjisë dhe rregulloreve më të lehta, ndërsa Perëndimi është i paralizuar nga cinizmi, një pranim befasues për aftësitë teknologjike të një vendi që administratat amerikane prej vitesh përpiqen ta frenojnë.
Komentet vijnë një javë pas takimit tregtar mes Donald Trump dhe Presidentit të PRC-së, Xi Jinping, ku çipat e Nvidia-s pritej të ishin në qendër të diskutimit. Ndërsa këto çipe shiheshin si një aset kyç në garën ekonomike me Kinën, Pekini ka ndalur së fundmi importimin e tyre në favor të alternativave të prodhuara nga vetë vendi.
Lexo edhe: Analiza e Eurostat 2025: Shqiptarët paguajnë më shumë se rajoni për energjinë elektrike
Më herët, Huang dhe drejtues të tjerë të teknologjisë shpresonin se qeveria amerikane do të arrinte ta “varte” Kinën nga teknologjia amerikane. “Presidenti Trump e kupton se nëse bota ndërton AI mbi teknologjinë amerikane, Amerika fiton garën e AI,” tha Huang për Fox News në gusht. “Ai dëshiron që teknologjia amerikane të përdoret në mbarë botën, në mënyrë që standardi global të jetë ai amerikan, ashtu siç është dollari amerikan.” Në vend të kësaj, takimi i Trump me Xi u konsiderua gjerësisht si dështim, me Financial Times, një media zakonisht kritike ndaj Kinës, që pranoi se vendi tani duket si një “rival i barabartë” i SHBA-ve. Kjo lidhet pjesërisht me vetë takimin: Trump u tërhoq nga muaj të tërë kërcënimesh për tarifa, duke i bërë më shumë lëshime palës kineze. Por komentet e Huang nxjerrin në pah edhe zgjerimin e shpejtë të rrjetit energjetik të Kinës, në kontrast me gjendjen e dobët të infrastrukturës energjetike në SHBA.
Megjithatë, deklaratat e CEO-së së Nvidia-s duken edhe si një përpjekje për t’i dhënë një “goditje” Trump-it, edhe pse është po aq e mundshme që Trump t’i kthehet kundër Huang-ut, duke qenë i njohur për konfliktet e vazhdueshme me figurat kryesore të industrisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
