Një bisedë e hapur për inovacionin, sipërmarrjen, puna online dhe fuqizimin e të rinjve shqiptarë
Kur flasim për inovacion, sipërmarrje dhe mënyra të reja jetese që bashkojnë punën me lirinë, AllWeb Digital Conference është skena ku idetë bëhen realitet. Këtë 6 Nëntor, në sallën e konferencave të xhamisë Namazgjah, Tirana mirëpret një bashkëbisedim të veçantë me Andreas Wil Gerdes dhe Lumjana Shehu, dy personalitete që mishërojnë një mënyrë të re të të menduarit dhe të jetuarit: INOVACION| NOMADËT DIGJITALË | SIPERMARRJA | STARTUPE.
Andreas Wil Gerdes është një nga pionierët e lëvizjes globale të nomadëve digjitalë dhe një mendje vizionare në industrinë e telekomunikacionit. Ai ndërtoi kompaninë e tij të parë që në moshën 20 vjeçare, duke e shitur më vonë dhe duke kontribuar në atë që sot njihet si Orange PLC. Fitues i çmimit europian “Elite of the Future”, dhe i përfshirë në Financial Times – 101 Leaders of the New Economy, Andreas ka ndikuar në qindra sipërmarrës në mbarë botën. Por mbi të gjitha, ai preferon një tjetër titull: #father, një baba që promovon filozofinë “life-centric”, duke inkurajuar prindërit të rrisin fëmijë të lirë, kreativë dhe të lidhur me botën reale.
Lexo edhe: Oferta fantastike e AllWeb: Blini 4 bileta, përfitoni të pestën FALAS!
Në këtë bisedë me publikun shqiptar, Andreas sjell perspektivën e tij për mënyrën se si nomadizmi digjital dhe inovacioni në edukim mund të kthehen në avantazh për vendin tonë, si një mënyrë për të ndërtuar rininë e pavarur financiarisht dhe qw mendon pa kufijw.
Lumjana Shehu, nga ana tjetër, përfaqëson energjinë e re të sipërmarrjes shqiptare. Si ish-emigrante që ka jetuar në Greqi, Kanada dhe SHBA, ajo e njeh fuqinë transformuese të aftësive digjitale. Sot, ajo drejton Luminade, një agjenci marketingu plotësisht online që bashkëpunon me shoqata jofitimprurwse,, startup-e dhe liderë të mendimit global për të ndërtuar marka me ndikim. Në të njëjtën kohë, ajo udhëheq MaNaBu Movement Youth VA Program, një nismë që fuqizon të rinjtë shqiptarë me aftësi për punë online, mentorim dhe pavarësi financiare.
Në këtë Fireside Chat, Andreas dhe Lumjana do të ndajnë histori reale, ide dhe shembuj praktikë se si nomadizmi, inovacioni dhe edukimi digjital mund të krijojnë një brez të ri profesionistësh të lirë, të pavarur dhe të aftë për të ndërtuar të ardhmen e tyre, nga Shqipëria për botën.
Fireside Chat: INSIGHTS ON INNOVATION, NOMADISM, ENTREPRENEURSHIP & STARTUPS
6 Nëntor 2025 | 9:00 | Namazgjah Mosque Complex, Tiranë
Bli tani biletat online: allweb.digital
Je startup? AllWeb ka një super ofertë për ty!
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
