MEPS Albania: Energjia e pastër është e ardhmja e zhvillimit të qëndrueshëm

Nga Iceberg Exhibitions: Në kuadër të Panairit të Energjisë, Ndërtimit dhe Ekonomisë së Gjelbër, kemi zhvilluar një bisedë me Z. Saimir Tollumi, themeluesin e MEPS Albania, një prej kompanive më aktive në fushën e energjisë së rinovueshme dhe partner kryesor i këtij edicioni.

MEPS Albania është e angazhuar në projektet që mbështesin tranzicionin energjetik të vendit, duke sjellë zgjidhje moderne në prodhimin dhe menaxhimin e energjisë së pastër, si dhe në ndërtimin e qëndrueshëm. Në këtë intervistë, Z. Tollumi ndan vizionin e kompanisë, arsyet e bashkëpunimit me panairin dhe rolin që MEPS synon të luajë në zhvillimin e tregut të energjisë në Shqipëri dhe rajon.

Cili është vizioni i MEPS në drejtim të zhvillimit të sektorit të energjisë në Shqipëri?

Vizioni i kompanisë tonë, MEPS Albania është të kontribuojmë në tranzicionin energjitik të Shqipërisë drejt një të ardhmeje me energji të pastër, me fokus në projektet e energjisë së rinovueshme të cilat jo vetëm përmirësojnë pavarësinë energjetike, por nxisin rritjen ekonomike dhe ndihmojnë për një mjedis më të mirë.

Pse keni zgjedhur të merrni pjesë si një ndër partnerët kryesorë të Panairit të Energjisë, Ndërtimit dhe Ekonomisë së Gjelbër?

Ne kemi zgjedhur të jemi partnerë të panairit sepse besojmë fuqishëm në rëndësinë e bashkëpunimit për të ndërtuar një të ardhme më të qëndrueshme. Ky panair përfaqëson një mundësi të vlefshme për të shkëmbyer ide, krijuar takime me klientë dhe shkëmbyer përvoja mes aktorëve kryesorë të sektorit. Si kompani, ne jemi të angazhuar në promovimin e teknologjive të pastra, eficiencës energjetike dhe praktikave miqësore me mjedisin. Pjesëmarrja na jep mundësinë të kontribuojmë aktivisht në nxitjen e tranzicionit drejt energjive të rinovueshme dhe zhvillimit të qëndrueshëm ekonomik, si dhe të prezantojmë zgjidhjet tona profesionale që mbështesin këtë qëllim. Në të njëjtën kohë, ky panair është një hapësirë e shkëlqyer për të forcuar bashkëpunimet me sektorin publik e privat, për të ndërtuar marrëdhënie të reja dhe për të ndarë vizionin tonë për një të ardhme më të qendrueshme dhe efikase për të gjithë.

Cilat janë produktet kryesore që do të prezantoni në panair dhe si adresojnë ato nevojat aktuale të tregut lokal dhe rajonal?

Më poshtë gjeni një përmbledhje të produkteve/zhvillimeve kyçe që ne ofrojmë dhe dëshirojmë të sjellim në panair, secili me përshkrim të shkurtër, problemin që zgjidh, dhe pse është i rëndësishëm për tregun lokal dhe rajonal.

• Sisteme diellore Utility Scale – Parqe Fotovoltaike

Parqet fotovoltaike Utility Scale janë sisteme të mëdha të prodhimit të energjisë elektrike nëpërmjet rrezatimit diellor, të lidhura direkt në rrjetin  energjitik.

Nevoja që adreson:

− Rritja e kërkesës për energji parqet fotovoltaike janë përgjigja e duhur duke ruajtur edhe ekuilibrat ekologjike;

− Ulja e varësisë nga burimet e energjisë jo ekologjikedhe reduktimi i emetimeve të CO₂;

− Diversifikimi i burimeve energjetike kombëtare;

− Mbështetja e objektivave të tranzicionit energjetik dhe politikave të gjelbra të BE-së.

Përfitime:

− Ekonomike: Kosto të ulëta investimi në raport me projekte të tjera ekologjike dhe ulje e kostos së prodhimit të energjisë në afatgjatë;

− Mjedisore: zero emetime gjatë operimit; ulje e ndotjes.

− Sociale: mbështetje për zhvillimin rajonal dhe siguri më e madhe energjetike për komunitetet.

• Sisteme diellore (Solar PV) — njësitë tregtare dhe industriale

Panelet fotovoltaike për objekte tregtare dhe industriale, dhe sistemet BIPV (building-integrated PV).

Nevoja që adreson:

Vet-prodhim i energjisë e kombinuar kjo edhe me bateri sjell pavarësi energjitike të objektit.

Përfitime:

Ulje të faturës së energjisë, duke kontribuar në uljen e emetimeve CO₂, kthim i investimit në pak vite. Kush përfiton: Shtëpi, ndërmarrje të vogla dhe të mesme të mëdha, ndërtesa publike.

Pse këto produkte janë të rëndësishme për tregun lokal dhe rajonal?

Energjia e rinovueshme dhe eficienca janë në fokus të politikave dhe investimeve; zgjidhjet tona u përgjigjen drejtpërdrejt këtyre prioriteve.

Kosto/efikasitet: Shumë zgjidhje përqëndrohen në uljen e kostove operative, një nevojë kryesore për bizneset rajonale.

Infrastrukturë e munguar: Sistemet e transmetimit që aktualisht janë duke operuar në kapacitete maksimale, sistemet e ruajtjes apo shkëmbimit të energjisë.

Financim & risk: Modelet aktuale financiare në treg lehtësojnë barrierat hyrëse dhe përshpejtojnë adoptimin.

Për më tepër, ndërtimi i parqeve diellore nxit zhvillimin ekonomik lokal përmes punësimit, përmirësimit të infrastrukturës dhe përdorimit të tokave jo produktive. Këto projekte i japin rajonit një rol të rëndësishëm në tranzicionin drejt një ekonomie të gjelbër dhe të qëndrueshme, në përputhje me standardet dhe objektivat e BE-së për energjinë e pastër.

Si e vlerësoni rëndësinë e panaireve sektoriale si ky për të ndërtuar partneritete të reja dhe për të ndikuar në zhvillimin e tregut?

Panairet sektoriale si ky kanë një rol thelbësor në nxitjen e bashkëpunimit, inovacionit dhe zhvillimit të tregut. Ato krijojnë një platformë ku bashkohen bizneset, institucionet publike, partnere dhe investitorët për të shkëmbyer përvoja, ide dhe për të zhvilluar mundësi të reja bashkëpunimi.

Në një treg që po ndryshon me ritme të shpejta — sidomos në fushat e energjisë, ndërtimit dhe ekonomisë së gjelbër — panaire të tilla shërbejnë si pikë takimi strategjike, ku mund të:

− krijohen partneritete të reja biznesi dhe projekte të përbashkëta,

− prezantohen inovacionet më të fundit teknologjike,

− forcohet ndërveprimi midis sektorit publik dhe atij privat,

− dhe të orientohet tregu drejt zgjidhjeve të qëndrueshme dhe me vlerë afatgjatë.

Ne e shohim këtë panair jo vetëm si një mundësi për të promovuar produktet dhe shërbimet tona, por edhe si një hapësirë për bashkëkrijim – ku përmes dialogut, mund të ndikojmë në drejtimin që po merr tregu rajonal, duke kontribuar me përvojën tonë në energji të pastër, eficiencë dhe zhvillim të gjelbër.