Në episodin e gjashtë të Think Big, Business Magazine solli një bisedë të frymëzuese me katër figura kyçe të inovacionit dhe zhvillimit në rajon, ku në qendër ishte transformimi i Piramidës së Tiranës në një qendër të re kreative dhe teknologjike, nën kujdesin e Fondacionit Shqiptaro-Amerikan për Zhvillim (AADF).
Pas atij episodi që tregoi sesi një simbol i historisë së kryeqytetit po kthehet në motor të së ardhmes digjitale, Think Big rikthehet me pjesën e dytë, një intervistë ekskluzive me drejtuesit ekzekutivë të AADF, Aleksander Sarapuli dhe Martin Mata, si edhe me Sokol Ymerin, menaxherin kryesor të projekteve që njohëm në pjesën e kaluar.
Në këtë episod, të tre flasin për mënyrën se si AADF po ndërton themelet e një ekosistemi të qëndrueshëm inovacioni në Shqipëri, duke bashkuar edukimin, sipërmarrjen dhe teknologjinë. Ata ndajnë vizionin e tyre për ndikimin që pritet të ketë Piramida, si një hapësirë e hapur për të rinjtë, startup-et dhe profesionistët që kërkojnë të zhvillojnë ide me potencial përtej kufinjëve shqiptarë.
Lexo edhe: Think Big – Piramida, qendra e inovacionit në Shqipëri!
Sipas tyre, transformimi i Piramidës nuk është vetëm një projekt urbanistik, por një nismë që vendos Tiranën në hartën e qyteteve inovative të rajonit. Qëllimi është të krijohet një zinxhir bashkëpunimi midis institucioneve publike, sektorit privat dhe të rinjve që kanë ambicie për të ndërtuar produkte dhe shërbime me vlerë globale.
Në intervistë, Sarapuli dhe Mata flasin për filozofinë e AADF që prej themelimit të tij: të investojë në kapacitetet njerëzore dhe arsimin cilësor, si mënyra më e qëndrueshme për të forcuar ekonominë dhe shoqërinë shqiptare. Ndërkohë, Ymeri zbulon më shumë mbi projektet e ardhshme që do të shoqërojnë hapjen e plotë të qendrës, përfshirë laboratorët e inovacionit, programet e mentorimit dhe bashkëpunimet me startup-e ndërkombëtare.
Ndiqni Episodin 7 të “Think Big” sot në orën 20:15 në kanalet zyrtare të BusinessMag Albania në YouTube, LinkedIn dhe Facebook.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
