Inxhinierët në Universitetin Purdue në Indiana, SHBA, kanë zhvilluar një bojë ultra të bardhë që përmban grimca të sulfatit të bariumit dhe që arrin të reflektojë deri në 98.1% të dritës së diellit. Për krahasim, bojat e bardha të zakonshme që përdoren për të reflektuar dritën kanë një reflektueshmëri prej vetëm 80–90%. Ky zbulim konsiderohet një ndryshim i madh për të ndihmuar në uljen e temperaturave globale veçanërisht në qytete dhe për të reduktuar ndjeshëm përdorimin e energjisë elektrike, duke pakësuar nevojën për kondicionerë që konsumojnë shumë energji.
Kjo përbën një përmirësim të ndjeshëm krahasuar me versionin e mëparshëm të zhvilluar në të njëjtin universitet, i cili përdorte grimca të karbonatit të kalciumit (si gëlqere) dhe kishte një reflektueshmëri prej 95.5%. Boja e re me sulfat bari thith më pak se gjysma e energjisë diellore në krahasim me versionin e vjetër.
lEXO EDHE:Ky shtet është aq i pasur, sa Porsche 911 është makina më e shitur aty!
Duke theksuar potencialin e kësaj teknologjie për ftohje natyrale, profesori Xiulin Ruan, një nga autorët e studimit, deklaroi:
“Nëse do ta përdornit këtë bojë për të lyer një çati prej rreth 93 metrash katrorë, ne llogarisim se do të mund të fitonit një fuqi ftohëse deri në 10 kilovat. Kjo është më shumë se fuqia e kondicionerëve të zakonshëm në shumicën e shtëpive.”
Sipas shkencëtarëve, për të kthyer mbrapsht ngrohjen globale të akumuluar deri më sot, mjafton që vetëm 0.5–1% e sipërfaqes së Tokës të lyhet me këtë bojë – për shembull, vetëm duke lyer çatitë e ndërtesave.
Por kjo nuk është vetëm për rekorde është një revolucion në teknologjinë e ftohjes. Kur lyejmë një sipërfaqe me këtë bojë, ajo bëhet më e ftohtë se ajri përreth deri në 4°C gjatë ditës dhe deri në 7°C gjatë natës. Po, mund ta konsideroni si një “kondicioner brenda një kutie” – por pa energji elektrike!
Fillimisht, boja u krijua me karbonat kalciumi (gëlqere), por ekipi kaloi gjashtë vjet për të përmirësuar formulën me sulfat bari – i njëjti përbërës që gjendet edhe në letrat fotografike apo në kozmetikë. Sa më shumë prej tij të shtosh, aq më e bardhë bëhet boja – por nëse tepron, ajo fillon të çahet. Shkenca është gjithmonë një ekuilibër delikat!
Qëllimi përfundimtar i këtij inovacioni? Të ndihmojë në ftohjen e ndërtesave, të zvogëlojë përdorimin e kondicionerëve që harxhojnë energji dhe pse jo të ndihmojë në ftohjen e vetë planetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
