Dhoma e Tregtisë dhe Industrisë Kosovë ka reagur në lidhje me taksën prej 10% të vendosur nga administrata Trump për produktet që eksportohen nga Kosova. Në një kominikatë të shpëndarë për mediat Dhoma thotë se e ka përcjellë me shqetësim vendimin dhe se një gjë e tillë do të ndikojë dukshëm eksportet, por edhe gjithë ekonominë e vendit.
Lexo edhe : Trump shpall tarifa të reja, Shqipëria dhe Kosova në listën e vendeve të prekura
Deklarata e plotë:
Dhoma e Tregtisë dhe Industrisë Kosovë, ka pritur me shqetësim vendimin e presidentit amerikan Donald Trump që t’i vendos eksporteve nga Kosova taksën prej 10%.
Ky vendim pritet ta godas edhe më shumë eksportin, i cili nga Kosova drejtë SHBA-ve ka pasur ulje përgjatë muajve të fundit. Sipas të dhënave të Agjencisë së Statistikave të Kosovës, në dhjetor 2024, eksportet tona ishin 3.5%, përderisa në muajin janar dhe shkurt 2025, ato ranë në 2.8, përkatësisht 2.5% në muajin shkurt të këtij viti. Dhoma e Tregtisë dhe Industrisë Kosovë, ka kohë që ka alarmuar për një vendim të tillë dhe ka kërkuar nga institucionet që të shfrytëzojnë kanalet diplomatike për të mos ndodhur ky vendim.
Gjithashtu, DhTIK i bënë thirrje qeverisë që t’u dalë në ndihmë bizneseve që atakohen nga ky vendim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
