A e dinit që mungesa e gjumit me lodhjen në fakt nuk kanë lidhje?

Nëse rregullisht zgjohesh pas shtatë ose tetë orëve gjumë dhe ende ndihesh i lodhur, instinkti yt mund të jetë të synosh për nëntë apo edhe dhjetë orë gjumë në natë,  por kjo lëvizje mund të mos e zgjidhë problemin. “Kur mendojmë për lodhjen dhe përgjumjen, ato janë çështje të ndryshme,” thotë Shelby Harris, një psikologe klinike e licencuar që specializohet në mjekësinë e sjelljes së gjumit. “Lodhja është kjo ndjenjë e të pasurit ‘mungesë energjie’. Përgjumja është nevoja e pandalshme për gjumë.” Pra, ndërsa mungesa e gjumit shpesh është një nga arsyet kryesore pse njerëzit ndihen të lodhur, për shumë persona nuk është e vetmja shpjegim.

5 arsye të tjera pse ndihesh i lodhur që nuk kanë lidhje me mungesën e gjumit

1. Çështje me humorin:
   Përjetimi i ndryshimeve të humorit si depresioni dhe ankthi mund të të bëjnë të ndihesh i lodhur, thotë Harris. Simptomat e depresionit mund të përfshijnë vështirësi në fjetje ose qëndrimin në gjumë, si dhe mungesë energjie, sipas Qendrës për Kontrollin dhe Parandalimin e Sëmundjeve (CDC).

2. Cilësi e dobët e gjumit:
   Edhe nëse po merr sasinë e duhur të gjumit çdo natë, nëse cilësia e gjumit është e dobët, nuk do të ndihesh i pushuar. Faktorë të tjerë që mund të ndikojnë negativisht në cilësinë e gjumit përfshijnë apnea e gjumit, ecja në gjumë apo edhe gërhitja, thotë Harris.

3. Orari i papërshtatshëm i gjumit dhe zgjimit:
   Ndryshimi i orarit të gjumit dhe zgjimit me më shumë se një orë mund të të bëjë të ndihesh i lodhur gjithashtu. Ekspertët e quajnë këtë “jet lag social” dhe mund të jetë më e vështirë për t’u menaxhuar për njerëzit që punojnë turne nate.

4. Ndryshimet hormonale:
   Për gratë, ndryshimet hormonale gjatë periudhave të caktuara të muajit mund të bëjnë që të ndihesh pa energji, thotë Harris. Gratë që janë në perimenopauzë ose menopauzë mund të përjetojnë ndryshime të ngjashme në nivelet e energjisë.

5. Medikamentet:
   “Disa medikamente mund të të bëjnë të ndihesh më i lodhur, veçanërisht disa qetësues për gjumin,” thotë Harris. Medikamente të tjera që mund të shkaktojnë përgjumje janë antidepresantët, antihistaminat, medikamentet për alergji dhe më shumë, sipas Harvard Health Publishing.

LEXO EDHE: Cila është arsyeja e vërtetë pse dështojnë bizneset e vogla dhe si ta parandalojmë?

Fillo me higjienën bazë të gjumit

Nëse po vëren se je më i lodhur se zakonisht, fillo me higjienën bazë të gjumit. “Disa gjëra për të përmirësuar energjinë përfshijnë sigurimin që po merr gjumë të mjaftueshëm dhe cilësi të mirë gjumi,” thotë Harris. Harris i tha CNBC Make It në vitin 2022 se për një gjumë cilësor, duhet të shmangësh të shkosh në gjumë 90 minuta para ose 90 minuta pas orarit tënd të zakonshëm të gjumit. Qëndro besnik ndaj orarit tënd të zakonshëm të gjumit. Gjithashtu, përpiqu të identifikosh se sa orë gjumi të nevojiten për t’u ndier i pushuar, thotë ajo: “Nuk ka pse të jetë ai numri magjik tetë. Nëse dikush është një gjumash i mirë me shtatë orë, të detyrosh veten të përpiqesh të flesh tetë, mund të përkeqësojë situatën.” Krijo një mjedis të përshtatshëm për gjumin duke zbehur dritat në dhomë, duke lexuar libra relaksues para gjumit ose duke fikur të gjitha ekranet të paktën 30 minuta para se të shkosh në shtrat. Harris sugjeron që të shmangësh mbështetjen e tepërt tek gjëra si alkooli për të ndihmuar në gjumë gjatë natës, ose kafeina e tepërt për të qëndruar i zgjuar gjatë ditës. Syno për të paktën 20 minuta ekspozim ndaj dritës së diellit çdo ditë dhe konsidero vendosjen e tryezës tënde përballë dritares për të marrë më shumë dritë nëse punon nga distanca.

“Nëse je dikush që ka ndjekur higjienën e mirë të gjumit, kohën e qëndrueshme të gjumit dhe zgjimit [etj.] për disa javë dhe nuk po sheh përmirësim, atëherë me siguri duhet të flasësh me mjekun tënd,” thotë Harris

cnbc