Nga të gjitha veçoritë e reja dhe të çuditshme të Inteligjencës Artificiale në Apple, ndoshta Genmoji është më emocionuesja. Edhe pse rezultatet mund të variojnë nga të çuditshme në të frikshme, është argëtuese të krijoni emoji të personalizuara.
Genmoji, siç tregon emri, është një bashkim i Inteligjencës artificiale gjenerative dhe Emoji. Në mënyrë të thjeshtë, ju i jepni një komandë dhe ai do të gjenerojë një emoji. Ky emoji mund të ruhet dhe të përdoret përsëri në biseda. Pavarësisht se jeni gjithmonë të kufizuar nga rregullat e Apple, mund të përdorni këtë funksion për të krijuar emoji që dëshironi të ekzistojnë, por që nuk janë. Sigurisht, Inteligjenca artificiale nuk është e përsosur dhe mund të ndodhë që të krijoni Genmoji që do të dëshironit të mos ishin krijuar kurrë.
Si të krijoni Genmoji në iPhone tuaj
Për të përdorur Genmoji, do t’ju duhet të keni iOS 18.2 në një iPhone 15 Pro ose seri iPhone 16. Më pas, duhet të regjistroheni dhe të kaloni në pritje për Image Playground. Për ta bërë këtë, hapni aplikacionin Image Playground dhe klikoni “Request Early Access”. Kur të jetë gati, do të merrni një njoftim.
Pasi ta keni bërë këtë, mund të krijoni një Genmoji drejtpërdrejt nga tastiera. Klikoni butonin Emoji për të kaluar në tastierën e Emoji, pastaj klikoni butonin e ri shumëngjyrësh të Emoji në pjesën e djathtë lart.
Tani do të shihni një ekran të ri krijimi Genmoji. Këtu, jepni një komandë, sa më të detajuar që mundeni. Mund ta bëni shumë të çuditshme duke përdorur emrin tuaj, ose ndonjë person nga kontakti juaj. Kështu, mund të krijoni një emoji bazuar në një version të gjeneruar nga AI i fytyrës së tij.
Genmoji do të krijojë disa emoji dhe mund të kaloni përmes të gjitha versioneve që do të krijohen. Kur të gjeni një që ju pëlqen, klikoni butonin “Add” (Shto) nga lart. Kjo do ta dërgojë Genmoji-n në bisedën aktuale dhe do të shtohet në zonën tuaj të Ngjitësve në tastierën Emoji. Kështu, do të mund ta përdorni përsëri sa herë të doni.
Si të fshini Genmoji?
Pasi të krijohet, Genmoji gjithmonë shfaqet në sugjerimet kur hapni tastierën e emoji-ve.
Thjesht klikoni dhe mbani një Genmoji dhe zgjidhni opsionin “Remove” (Fshij) për ta hequr atë. Kjo do ta fshijë Genmoji-n nga Ngjitësit dhe do të sigurojë që ai të zhduket gjithashtu nga tastiera juaj e emoji-ve.
Lexo edhe: 3 mënyra të thjeshta për të përmirësuar jetëgjatësinë e baterisë suaj
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
