Chatbot-ët e AI-t kanë shumë përdorime, megjithëse ende janë një-dimensionalë.
Një përdorues shkruan një pyetje, algoritmi bën magjitë e tij dhe boti nxjerr një përgjigje – dhe kjo është gjithçka. I zgjuar, por i kufizuar në kursimin e kohës gjatë procesit të kërkimit dhe mbledhjes së informacionit. Ekspertët dhe liderët e industrisë si Sam Altman i OpenAI-së, tashmë po parashikojnë se faza tjetër e inovacionit të AI-t do të jetë shumë më dinamike. Ajo do të përqendrohet rreth agjentëve të AI-t, paketa të vogla të softuerit AI që mund të bëjnë më shumë sesa thjesht të përgjigjen pyetjeve tuaja. Sipas tyre, agjentët mund të marrin autonomisht disa nga detyrat tuaja më të mërzitshme në punë. Ekspertët nga firma e kërkimit dhe konsulencës Gartner në Connecticut kanë zbuluar se agjentët kanë vërtet një potencial të madh.
Nënkryetari dhe analisti i Gartner, Arun Chandrasekaran, foli në konferencën Symposium/Xpo të kompanisë javën e kaluar dhe paraqiti rastin për agjentët. Agjentët janë “një nga temat më me ndikim në AI-në gjenerues sot,” tha Chandrasekaran. Ata janë një nga qëllimet kryesore të kërkimit të kompanive të AI-t. Inovacione si arsyetimi i AI-t, memoria afatgjatë dhe aftësia për të kontekstualizuar kërkesat e përdoruesve janë duke përparuar ngadalë, e si rrjedhojë teknologjia e agjentëve do të arrijë patjetër në vendin e punës. Kur të ndodhë kjo, mund të nënkuptojë ndryshime të mëdha. Chandrasekaran tha se bizneset po përdorin AI në tri fusha : teknologjinë e informacionit, sigurinë dhe marketingun. Gjenerimi i kodit është një përdorim i qartë, duke aftësuar programuesit ose duke u mundësuar ndërmarrjeve të vogla të krijojnë kod për të zgjidhur probleme specifike të kompanisë.
Marketingu dhe AI janë “të krijuara për njëra-tjetrën”, duke theksuar se krijimi i përmbajtjes është një veçanti e AI-t. Aftësia e tyre për detyra biznesi është ndihmë në kursimin e kohës dhe parave, dhe se agjentët mund të tejkalojnë aftësitë e njeriut. (Le të imagjinojmë, një person mund të procesojë vetëm disa qindra kërkesa çdo ditë para se të lodhet—një agjent AI do të vazhdonte ende të punonte.)
Gartner ka të dhëna për të mbështetur disa nga këto pretendime, bazuar në anketat e saj të gjera. Chandrasekaran tha se në vitin 2025, 30% e kompanive do të përdorin AI për të përmirësuar punonjësit. Deri vitin e ardhshëm, më shumë se 100 milion njerëz në mbarë botën do të bisedojnë me “kolegët” e tyre artificialë në punë, duke nënkuptuar se një punonjës AI do të besohet të merret me shumë detyra, pa shumë mbikëqyrje.
Lexo edhe:“AI mund të transformojë botën tonë, por ka rreziqe të mëdha”: Michael O’Flaherty për teknologjinë dhe të drejtat e njeriut
Agjentët e AI-t janë mishërimi i shqetësimit se AI do të vjedhë punët e njerëzve, pasi ata janë të aftë për veprim. Chandrasekaran parashikon se adoptimi i teknologjisë është i pashmangshëm, disa modele agjentësh janë tashmë në dispozicion. Microsoft, për shembull, është gati të lejojë kompanitë të krijojnë agjentë të tyre të AI-t. Ndërkohë, Salesforce, ka lançuar së fundmi një sistem agjenti të AI-t për të vepruar si një përfaqësues shitjesh njerëzor. Apple, Anthropic dhe Google po përgatitin teknologji të AI-t —sisteme që mund të monitorojnë atë që po bëni në punë. Edhe Amazon po përqafon agjentët, me idenë se në të ardhmen mund të bëjnë disa nga blerjet në Amazon për ju.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
