Në një arritje të jashtëzakonshme, kompania hapësinore e Elon Musk, SpaceX, realizoi një moment historik – kapjen e parë të raketës së saj booster. SpaceX arriti këtë sukses në fluturimin e pestë testues të raketës së saj Starship, një moment kyç në misionin e kompanisë për të krijuar një sistem raketash tërësisht të ripërdorshëm.
Raketa Starship e SpaceX u ngrit nga qendra Starbase e kompanisë, pranë Brownsville, Texas, në orën 08:25 ET. Booster-i gjigant “Super Heavy” i raketës u aktivizua dhe, rreth shtatë minuta pas ngritjes, u kthye në vendin e nisjes, ku u kap nga krahët “chopstick” të kullës së kapjes.
Ndërkohë, pjesa e sipërme e raketës Starship u shkëput nga booster-i dhe vazhdoi fluturimin e saj në hapësirë. Ajo udhëtoi gjysmën e rrugës përreth planetit para se të rihynte në atmosferën e Tokës dhe të përfundonte me sukses testin me uljen në Oqeanin Indian, ashtu siç ishte planifikuar.
Lexo edhe: “Primordial Passion” – Ora e parë luksoze shqiptare me vlerë €1.4 milionë nga Argjendari Pirro!
Është e rëndësishme të theksohet se nuk kishte ekuipazh në bord gjatë këtij fluturimi, dhe SpaceX synon të përmirësojë sistemin përmes qindra misioneve përpara se të nisë fluturime me astronautë. Starship është raketa më e gjatë (121 metra e gjatë) dhe më e fuqishme e lëshuar ndonjëherë nga kompania, me 16.7 milion paund shtytje.
Pse është i rëndësishëm fluturimi i raketës Starship të SpaceX?
Është e jashtëzakonshme që katër fluturimet e mëparshme testuese të Starship kanë kaluar milestone-t e arritura nga paraardhësit e saj. Arritja e Starship është jetike për udhëtimin hapësinor, pasi një sistem raketash të ripërdorshme mund të revolucionarizojë udhëtimet në hapësirë duke ulur ndjeshëm kostot dhe duke mundësuar fluturime rutinë për transportin e mallrave dhe njerëzve përtej Tokës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
