Projekti EU Youth Cinema: Green Deal po hyn në fazën e dytë të tij këtë vjeshtë, duke sjellë një platformë krejt të re transmetimi me një përzgjedhje të gjerë të filmave të fundit evropianë, të përqëndruar në fushën e mjedisit, ujit, qëndrueshmërisë dhe përfshirjen e vendeve të tjera partnere.
Një Evropë e qëndrueshme që në thelb
Pas dy viteve të suksesshme të edukimit dhe rritjes së ndërgjegjësimit rreth çështjeve mjedisore dhe të qëndrueshmërisë midis të rinjve në Austri, Kroaci, Maqedoninë e Veriut, Rumani dhe Slloveni, The EU Youth Cinema: Green Deal nis edicionin e tij të dytë këtë vjeshtë. Kjo nismë pioniere vendos një Evropë të qëndrueshme në qendër të ofertave të saj unike arsimore. Me qasjen e saj multikulturore dhe një platformë novatore shumëgjuhëshe transmetimi të operuar nga partneri i ri i projektit Cincopa, projekti jep një kontribut të rëndësishëm në vlerësimin dhe kuptimin e strategjisë së BE-së për klimën. Platforma përfshin një koleksion me mbi 50 filma evropianë të përzgjedhur me kujdes, plotësuar me vizita në kinema, materiale mësimore të përditësuara, seminare dhe diskutime në grup. Ky program arsimor vjetor ka për qëllim veçanërisht trajtimin e sfidave mjedisore për të rinjtë, nxitjen e zakoneve të gjelbra dhe inkurajimin e një stili jetese më të shëndetshëm dhe më të qëndrueshëm.
VIG (Vienna Insurance Group) me markat vendase Sigma dhe Intersig
Një mjedis ekologjik dhe social i paprekur është thelbësor për një jetë të plotë dhe një aktivitet ekonomik të suksesshëm. Qëndrueshmëria duhet të jetë, prandaj, në interesin e të gjithëve përballë ndryshimeve të avancuara klimatike. Iniciativa si “EU Youth Cinema: Green Deal” japin një kontribut të rëndësishëm në përcjelljen e njohurive dhe rritjen e ndërgjegjësimit për strategjinë klimatike të BE-së. Ne jemi të lumtur të mbështesim këtë projekt, sidomos pasi qëndrueshmëria është gjithashtu një pjesë integrale e modelit tonë të biznesit,” shpjegon Hartwig Löger, CEO i Vienna Insurance Group.
Edicioni i dytë i The EU Youth Cinema: Green Deal organizohet nga LET’S CEE Filmfestival (Austri), EPEKA (Slloveni), Go Green (Maqedonia e Veriut), Innovation Generation (Ukrainë) dhe Chapter 4 Communications (CEE/SEE). Projekti financohet kryesisht nga Creative Europe, Ministria Federale Austriake e Veprimit për Klimën, Mjedisit, Energjisë, Lëvizshmërisë, Inovacionit dhe Teknologjisë dhe Vienna Insurance Group përmes kompanive të saj lokale, përfshirë kompanitë vendase Sigma dhe Intersig. Gjithashtu, një tjetër mbështetje thelbësore është dhënë nga Shoqëria Mbledhëse për Mediat Audiovizive (VAM) dhe Cineplexx, kinemaja partnere ekskluzive në 11 vende dhe 33 qytete.
Cineplexx International është e përfaqësuar në njëmbëdhjetë nga dymbëdhjetë vendet dhe po kontribuon në suksesin e këtij projekti shumë inovativ me ekspertizën e saj të rëndësishme në kinema, masat e marketingut të personalizuara dhe infrastrukturën e klasit të parë. Ne gjithashtu e shohim këtë bashkëpunim si një mundësi të shkëlqyer për të ndihmuar në krijimin e një kinema shkollore në 33 qytetet evropiane që aktualisht janë në projeksion, nga Vjena dhe Salzburg deri në Shkup, Tiranë, Split dhe Selanik, si një vend ku mund të zhvillohet një dialog i orientuar nga e ardhmja ndërmjet brezave dhe një shkëmbim i njohurive, përvojës dhe praktikave miqësore me mjedisin, thotë Christof Papousek, CFO dhe partner i Cineplexx International, i cili është në bord si partner ekskluziv i kinema në 11 vende.
Lexo edhe:Hapen aplikimet për Circular City Labs – Shkodra
Zgjerimi i horizonteve në Ballkan dhe më gjerë
Duke u mbështetur në suksesin e fazës fillestare të tij, projekti po zgjerohet këtë vjeshtë për të përfshirë vende të reja partnere: Shqipërinë, Bosnje-Hercegovinën, Greqinë, Malin e Zi, Serbinë, Ukrainën dhe Tirolin e Jugut. Mësuesit dhe edukatorët nga këto vende tani mund të regjistrojnë klasat e tyre ose grupet e të rinjve për të patur akses në platformën e filmit, shfaqjet e kinemasë dhe materialet didaktike në gjuhën zyrtare të vendit. Mësuesit nga të 12 vendet pjesëmarrëse mund të regjistrohen në çdo kohë falas në www.youth-cinema.eu për të transmetuar të gjithë koleksionin e filmave të gjelbër pro natyrës, për të organizuar vizita në kinema, për të takuar ekspertë të mjedisit dhe për të diskutuar sfidat më urgjente në rang global.
Duke parë ujin ndryshe
Përveç rinisjes së platformës së transmetimit, dokumentarët e rinj evropianë do të shtohen vazhdimisht në program. Programi filmik do të përputhet gjithashtu me fushatën e #WaterwiseEU të BE-së, e nisur në maj, e cila përqëndrohet në qëndrueshmërinë e ujit dhe rritjen e ndërgjegjësimit mbi rëndësinë e ujit si një burim jetik.
Filmat e veçuar të kësaj fushate:
- “MES AKULLIT”/”INTO THE ICE” (2022): Një dokumentar gjermano-danez nga Lars Ostenfeld, që ndjek rrugëtimin e tre kërkuesve kryesorë të akullnajave, këtë herë thellë në akullnajën e Groenlandës.
- “DERI NË PIKËN E FUNDIT”/“UNTIL THE LAST DROP” (2023): Një dokumentar polak nga Ewa Ewart, që tregon kushtet e tmerrshme të lumenjve evropianë dhe përpjekjet e jashtëzakonshme të aktivistëve për t’i mbrojtur ata.
- “LIQENI I MOLLËVE”/”LAKE OF APPLES”: Një film i shkurtër nga Tamara Kotevska dhe Ljubomir Stefanov, prodhuar në bashkëpunim me Programin e Kombeve të Bashkuara për Zhvillim, që vë në dukje shkatërrimin dhe restaurimin e ekosistemeve rajonale, si liqeni i Prespës në Maqedoninë e Veriut, Shqipëri dhe Greqi.
- Filma të tjerë të rëndësishëm: “TIME FOR UTOPIAN IDEAS” (2018), “START UP FOR A REASON” (2022), “ACTIVIST” dhe “LA BUENA VIDA” (2015).
Këta filma dhe materiale edukative shoqëruese janë të përshtatshme për një gamë të gjerë lëndësh, duke përfshirë studimet sociale, gjeografinë, biologjinë, filozofinë dhe gjuhët e huaja, duke i bërë ato të adaptueshme në nivele të ndryshme arsimore.
Një udhëtim global i gjelbër
Së fundi, The EU Youth Cinema: Green Deal ofron një përzgjedhje filmash dhe përmbajtjesh multimediale të disponueshme falas, për të gjitha klasat e regjistruara në Cineplexx QTU Tirana, duke filluar nga muaji nëntor i këtij viti.
Regjistrimi në ngjarjet e kinemasë dhe platforma e transmetimit janë të aksesueshme në çdo kohë: www.youth-cinema.eu/al/. Kushdo, kudo, mund të eksplorojë filmat mahnitës evropianë dhe të nisë një udhëtim të gjelbër duke vizituar www.euyc.green.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
