Kohorta e 3të e Pogramit JUP hapi thirrjen për aplikime përgjatë periudhës 15 Shkurt – 15 Mars 2024. Me hapjen e thirrjes për aplikime, nisën edhe takimet informuese mbi të gjitha etapat e kriteret e Programit. Përgjatë gjithë muajit Shkurt e deri në datën e fundit të aplikimit, përfaqësues të JUP 3.0 organizuan takime informuese e këshilluese me të rinj të cilët idetë e tyre dëshironin t’i kthenin në biznese të suksesshme.
Përmes këtyre 15 takimeve u arrit që të prezantohej kjo mundësi tek 555 studentë të institucioneve:
1. Fakultetit të Ekonomisë, Universiteti i Tiranës
2. Fakulteti i Gjuhëve të Huaja, Universiteti i Tiranës,
3. Universitetit Europian të Tiranës
4. Universitetit të New York,
5. Western Balkan University,
6. Universitetit Polis,
7. Kolegjit Universitar Beder,
8. Ofiçina HUB.
Në përfundim të periudhës së caktuar, numri total i aplikimeve ishte 35 ide startup-esh aplikimeve u përzgjodhën 17 ekipe dhe ide biznesesh për të avancuar në Selection Bootcamp, një event intensiv prej 1 dite e gjysëm ku ekipet patën mundësinë të përmirësojnë idetë e tyre dhe t’i prezantojnë ato përpara ekspertëve të fushës dhe përfaqësuesve të Junior Achievement of Albania. 8 ekipet më premtuese u përzgjodhën për të qenë pjesë e kohortës.
Kohorta ndoqi 5 sprinte përgjatë muajve Prill dhe Maj:
1. Qasja Lean Canvas dhe Kuadri Ligjor i Startup-eve në Shqipëri,
2. Përputhshmëria mes Problemit dhe Zgjidhjes (Problem-Solution Fit),
3. Zhvillimi i një strategjie për të dalë në treg (Go to market strategy)
4. Ndërtimi i marrëdhënieve me investitorët,
5. Prezantimi përpara investitorëve dhe palëve të interesuara.
Në më shumë se 50+ orë workshope dhe 70+ orë mentorime, 8 startupet arritën të diskutojnë, ngrenë hipoteza dhe plane konkrete se si të ndërtojnë startupe dhe biznese me në qendër klientin, sipas modeleve më të mira ndërkombëtare. Ekpsertët ndërkombëtar në bashkëpunim me SiwssEP dhe ata më të mirë lokal, ndihmuan sipërmarrësit e JUP 3.0 se si të vizionojnë kompani të cilat nisjen e kanë në tregun shqiptar por synojnë t’i shërbejnë edhe tregjeve ndërkombëtare.
Ky rrugëtim do të kulmojë me 7 startupe do të mund të tregojnë potencialin e tyre përpara jurisë investitorë për të përfituar mbështetje financiare dhe teknike përmes Junior Achievement of Albania në Demo Day-n do të zhvillohet në datën 13 Qershor në ambjentet e Qendrës Piramida. Startup-et që do të prezantojnë potencialin e tyre janë:
1. Multifunctional Educational Gaming M.E.G,
2. Vintagora,
3. Bubi,
4. Lookup
5. V’ark,
6. Shamata,
7. Myofit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
