Sot, Leslie Perlow është një profesoreshë shumë e respektuar në Shkollën e Biznesit të Harvardit. Por, 25 vjet më parë, ajo ishte një studiuese e re në Universitetin e Michigan-it e interesuar për përvojën e “periudhës së urisë”, ose ndjesisë se ke shumë për të bërë dhe nuk ka kohë të mjaftueshme. Për këtë ajo vëzhgoi me imtësi një ekip prej 17 inxhinierësh që punonin për të zhvilluar një printer të ri gjatë nëntë muajve.
Punimi rezultoi të ishte një pikë referimi, saqë profesori bashkëkohor i biznesit Adam Grant e përmendi atë vetëm së fundi në podcast të neuroshkencëtarit të Stanfordit, Andrew Huberman.
Çfarë gjeti Perlow? Asgjë që do të shokonte pronarin mesatar të biznesit ose punonjësit e zyrës në 2023. Inxhinierët mendonin, edhe para fillimit të Mijëvjeçarit, se ata kurrë nuk kishin kohë për të bërë “punën e tyre të vërtetë”. Në vend të kësaj, ata tërhiqeshin vazhdimisht në biseda të improvizuara me kolegët, duke humbur kohën me gjëra të vogla ose duke dhënë raporte.
Është e sigurt të thuhet se mjetet moderne si Slack dhe Zoom e kanë shtuar më shumë këtë ankesë. Një studim i Universitetit të Kalifornisë, Irvine, para pandemisë tregon se, edhe kur me sa duket më shumë prej nesh ishin në zyrë për më shumë orë, njerëzit tashmë po kontrollonin emailet e tyre mesatarisht 77 herë në ditë.
Perlow nuk dokumentoi vetëm problemin e quajtur “konfeti i kohës”. Ajo gjithashtu projektoi dhe testoi një zgjidhje të thjeshtë. Aplikoi “Protokollin e qetë”, periudhë pa mbledhje. Grant thekson se, ajo i vendosi inxhinierët vetëm në kushte pune pa ndërprerje nga mbledhjet: të martën, të enjten dhe të premten para mesditës. Rezultati ishte: produktiviteti 65% më i lartë.
Lexo edhe:E dini recetën për sukses? Na e tregon Apple!
Grant mendon se nuk ka ndonjë gjë magjike në këto kohë të veçanta. E hëna, e mërkura, e premtja do të funksiononin po aq mirë për sa kohë që i gjithë ekipi angazhohet për çfarëdo plani për të cilin është rënë dakord. Puna e Perlow thjesht tregon se bllokimi i kohës në të gjithë ekipin dhe pa shpërqendrim për t’u përqëndruar në detyrat tuaja më të rëndësishme mund të sjellë përfitime të mëdha në produktivitet.
Pse nuk e kemi zbatuar shumë prej nesh?
Shumica e udhëheqësve të biznesit do të pajtoheshin se një rritje prej 65%në produktivitet nuk është gjë e thjeshtë. Kështu që ju mund të mendoni se në çerek shekulli ose më shumë që nga botimi i letrës së Perlow-it, mijëra e mijëra organizata do të kishin marrë ungjillin e “Protokollit të qetë” të saj dhe do të kishin krijuar periudha qetësie të ekipit.
Padyshim që disa organizata të shkolluara atje e aplikojnë këtë, por jo shumë prej tyre, madje studiuesit nuk ndihen të detyruar të përsërisin versione të ndryshme të eksperimentit të Perlow. Vetëm vitin e kaluar, një studim i shkruar në MIT Sloan Management Review tregoi se kompanitë që miratuan tre ditë pa takime në javë panë produktivitetin të rritet me 73%, rezulata edhe më mbresëlënës.
Kjo ngre një pyetje të thjeshtë: Nëse dikush ka gjetur të paktën një zgjidhje kuptimplotë dhe efektive për këtë problem 25 vjet më parë, pse nuk e kanë zbatuar më shumë drejtues biznesi?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
