Sam Altman ka pranuar të kthehet në drejtimin e OpenAI, tha kompania në një postim në X, vetëm disa ditë pasi largimi i tij i papritur si shef ekzekutiv shkaktoi një revoltë të punonjësve që kërcënoi të minonte atë që ka qenë kompania lider në industrinë e re të inteligjencës artificiale.
“Ne kemi arritur një marrëveshje në parim që Sam Altman të kthehet në OpenAI si CEO me një bord të ri fillestar,” tha kompania, duke shtuar se bordi do të kryesohet nga Bret Taylor, një ish-bashkëdrejtor ekzekutiv i Salesforce. Ish-sekretari i Thesarit Larry Summers do t’i bashkohet gjithashtu bordit, së bashku me drejtorin ekzistues, CEO i Quora, Adam D’Angelo.
“Ne jemi duke bashkëpunuar për të kuptuar detajet,” tha ai.
We have reached an agreement in principle for Sam Altman to return to OpenAI as CEO with a new initial board of Bret Taylor (Chair), Larry Summers, and Adam D'Angelo.
We are collaborating to figure out the details. Thank you so much for your patience through this.
— OpenAI (@OpenAI) November 22, 2023
Në postimin e tij në X, Altman shkroi se ai “po pret me padurim” të kthehet në OpenAI dhe të ndërtojë “partneritetin e fortë” të firmës me Microsoft, i cili është mbështetësi më i madh financiar i prodhuesit ChatGPT.
Njoftimi duket se i jep fund ditëve të kaosit për industrinë e AI që përfshinte negociata se kush duhet të drejtojë OpenAI dhe si duhet të drejtohet firma, si dhe diskutime më të gjera rreth asaj se sa shpejt duhet të ecë gara e armatimeve për zhvillimin e teknologjisë AI.
i love openai, and everything i’ve done over the past few days has been in service of keeping this team and its mission together. when i decided to join msft on sun evening, it was clear that was the best path for me and the team. with the new board and w satya’s support, i’m…
— Sam Altman (@sama) November 22, 2023
Detajet e shkarkimit dhe ri-punësimit të Altman mbeten të paqarta. Në njoftimin e saj të premten, OpenAI pretendoi se Altman kishte qenë jo mjaftueshëm i sinqertë me bordin.
Kjo gjuhë e paqartë bëri të fluturonin thashethemet. Por, një faktor kyç në rrëzimin e Altman ishte prania e tensioneve midis Altman, i cili favorizonte shtyrjen më agresive të zhvillimit të AI, dhe anëtarëve të bordit origjinal të OpenAI, të cilët donin të lëviznin më me kujdes.
Lexo edhe:Doni të krijoni kaosin perfekt? Mbani shënime nga OpenAI
Që nga mëngjesi i së hënës, Nadella kishte njoftuar se Altman, së bashku me bashkëthemeluesin e OpenAI, Greg Brockman, do t’i bashkoheshin Microsoft-it për të udhëhequr një divizion të ri të kërkimit të AI. OpenAI tha se kishte punësuar ish-shefin e Twitch Emmett Shear si CEO të përkohshëm.
Por, më pas qindra punonjës të OpenAI, pothuajse i gjithë stafi i kompanisë, kërcënuan të largoheshin, potencialisht për Microsoft, nëse bordi i kompanisë nuk jepte dorëheqjen dhe nuk rivendoste Altman si CEO. Është e paqartë se si do të ndikohet Shear nga kthimi i Altman. Duke postuar në X, Shear shkroi: “Jam thellësisht i kënaqur nga ky rezultat, pas (disa) 72 orësh shumë intensive pune… Jam i lumtur që kam qenë pjesë e zgjidhjes.”
Brockman po kthehet gjithashtu në OpenAI, sipas postimit të tij në X.
Returning to OpenAI & getting back to coding tonight.
— Greg Brockman (@gdb) November 22, 2023
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
