RCC hap aplikimet për ‘Butterfly Innovation Award’ 2023

Fondi ‘Butterfly Innovation Award’ në 30,000 EUR – 6 idetë më të suksesshme do të vlerësohen me 5,000 EUR secili

Këshilli i Bashkëpunimit Rajonal fton mendjet krijuese të aplikojnë për raundin e dytë të Çmimit Rajonal Butterfly Innovation Award 2023, për zgjidhje inovative, të shkallëzuara dhe të bazuara në treg nga Ballkani Perëndimor. Fondi Butterfly Innovation Award është vendosur në 30,000 EUR, ku zgjidhja më e mirë në secilën nga 6 kategoritë do të marrë çmimin prej 5,000 EUR.

Ashtu si vitin e kaluar, ju mund të aplikoni për deri në dy nga gjashtë kategoritë:

• Inovacioni në industri(përpunimi i metaleve, industritë kreative, agroushqimi, ekonomia e gjelbër dhe qarkulluese, turizmi, fintech, edtech, bioteknologjia, teknologjia shëndetësore, etj);
• Inovacioni iGjelbër (aksioni për klimën, energjia e qëndrueshme, lëvizshmëria dhe bujqësia, lufta kundër ndotjes, mbrojtja e natyrës dhe biodiversitetit, etj.);
• Inovacioni në STEM(shkencë, teknologji, inxhinieri dhe matematikë);
• Inovacioni i të rinjve(I hapur për studentë të universitetit ose të shkollave të mesme);
• Inovacioni Universitar(kultura e sipërmarrjes në universitete);
• Inovacioni i grave(gra novatore dhe sipërmarrëse).

Ftojmë individët dhe organizatat e kualifikuara të aplikojnë dhe të marrin pjesë në këtë konkurs.

Aplikantët duhet të jenë shtetas ose banorë të përhershëm të Ballkanit Perëndimor. Regjistrimet duhet të përshtaten brenda një prej kategorive zyrtare të çmimeve dhe zgjidhjet inovative duhet të demonstrojnë një ndikim aktiv në Ballkanin Perëndimor.

SHIKO KËTU RREGULLAT.

Çmimi i dytë rajonal i ‘Butterfly Innovation Award’ 2023 synon të vazhdojë mbështetjen e zhvillimit ekonomik të Ballkanit Perëndimor duke përqafuar transformimin digjital, duke nxitur qëndrueshmërinë mjedisore, dhe duke promovuar kulturën e inovacionit në rajon përmes shfaqjes së arritjeve të suksesshme inovative dhe fuqizimit të grupeve veçanërisht të ndjeshme si të rinjtë dhe gratë. Rruga drejt inovacionit nuk është e lehtë, por do të jemi të lumtur nëse mund të ndihmojmë në rrugën tuaj.

Shikoni Fituesit 2022 të Çmimit Rajonal ‘Butterfly Innovation Award’

Procesi i aplikimit është i hapur nga sot deri më 15 nëntor 2023. Fituesit e Çmimit Butterfly Innovation Award 2023 do të shpallen në një event,  brenda një muaji pas afatit të dorëzimit.

Bashkohuni me ne për të gjetur zgjidhje origjinale dhe unike nga rajoni ynë!

Mund të APLIKONI KËTU

Gjithçka që duhet të dini për Çmimin Rajonal ‘Butterfly Innovation Award’ është në dispozicion në https://www.rcc.int/pages/172/regional-butterfly-innovation-award-2023 .

Çmimi Rajonal Butterfly Innovation Award 2023 financohet nga Bashkimi Evropian dhe zbatohet nga RCC. Është pjesë e Planit të Veprimit të Përbashkët Rajonal të Tregut për Ballkanin Perëndimor.

Burimi: RCC